Yohane 19:11 - AHYERƐLƐ KRONGRON

¹¹ Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

Yohane 19:11 Iomraidhean Croise

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

Edwein 39:9

Mayɛ konn; memmukye me noa, ofikyɛ wɔ yeɛ ahyehyɛ ye sɔ ɔ.

Edwein 62:11

Nyameɛ dwudwole komapɛ, na mate ye pɛen nyɔ so kyɛ, Tumi te Nyameɛ deɛ’.

Awuye 3:37

Nwa yeɛ ɔkã maa ɔba nu wɔ aberɛ bɔ nna AWURADE yeɛ wahyehyɛ ye sɔ ɔ?

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:25

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie, na nyameɛso bosue kɔloa wɔ. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.

Daniel 4:32

Bɛkɔfoa wɔ bekofi mmenia nu, na ɛne eburo ngaka yeɛ bɛkɔɔtena ɔ. Bɛkɔmaa ekoli ndire kyɛ nandwie. Ɛhe kɔto wɔ afoɛ nzoo, kɔpem kyɛ ekonwu ye kyɛ Anwuro Anwuroniɛ ne yeɛ ole adasa ahennie so tumi ɔ, na ebiala bɔ okuro ne yeɛ ɔfa ma ye ɔ.”

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Daniel 5:21

Bɛfoane ye befili kuro mmenia nu, bɛmane ye adwene yɛle kyɛ kaka adwene, ɔne eburo afunum mɔ bɛɛtenane, bɛmaa olili ndire kyɛ nandwie, na nyameɛso bosue loaloale ye nwonaen, kɔpem kyɛ onwuni kyɛ Anwuro Anwuro Nyameɛ ne yeɛ ole adasa ahennie so tumi ɔ, na sona bɔ okuro biala yeɛ ɔfa ye sie so ɔ.

Mateo 26:65

Yeɛ ɔsɔfo panyi paa ne sunzuale ye ndaadeɛ nu hane kyɛ, “Wahã musue dwirɛ! Adanzefoɛ bieku de, yɛhia yɛyɛ ye sɛ? Eh, afei de, ɛmɔate ye musue dwirɛ ne!

Mateo 27:2

Bɛkyekyele ye, na bɛfale ye bɛhɔ beewurale amrado Pontio Pilato sa.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Marko 14:44

Na sona bɔ ɔyele ye mane ne, né wali moa wamaa bate ye bo kyɛ, “Sona bɔ ngɔfe ye noa ne, ye ɛne; ɛ́mɔhye ye, ná ɛ́mɔtira ye nu yé bɛfa ye bɛhɔ.”

Luka 22:53

Daa biala bɔ né me ne ɛmɔ yɛwɔ asɔneyɛɛ sua ne anu nen, ɛmɔangye me. Na ɛhe yeɛ ɔte ɛmɔ mmerɛ ne awosii tumi ɔ.”

Yohane 18:13

Na belili moa bɛfale ye bɛhɔle Anase nyunu; ofikyɛ né ye sia ole Kaifa bɔ ɔte ɔsɔfo panyi paa wɔ sɔ afoɛ ne anu ne.

Yohane 18:3

Yiti Yudase fale asraafoɛ kure ne awɛmvoɛ bɔ befi asɔfo mbanyi ne Farasiifoɛ nemɔ berɛ ɔ wale berɛ; ná ne betiratira ɛtɛen, nganea ne akodeɛ.

Yohane 19:10

Yiti Pilato sele ye kyɛ, “Engodwudwo me nwo? Ɛnze kyɛ tumi wura me sa kyɛ mekora meyakyi wɔ, yeɛ tumi wura me sa kyɛ mekora mebɔ wɔ mmeamudua nu ɔ?”

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Yohane 7:30

Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli.

Yohane 9:41

Na Yesu buale bɛ kyɛ, “Sɛ ɛmɔte anyesiniwaafoɛ a, ahaa ɛmɔnni bɔne nwo fɔ; nakoso ɔnate kyɛ ɛmɔnwa ‘Yɛnwu nikye’ ne ati, ɛmɔ bɔne mata ɛmɔ.”

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Asomafoɛ 4:28

Beyiale nu bɛfale adwene bɛyɔle nikyee biala kyɛbɔ wɔ tumi ne wɔ nhyehyɛleɛ aha ato berɛ kyɛ okosi ne.

Romanfoɛ 11:36

Ofikyɛ ye yeɛ ɔbɔle nikyee biala ɔ, na ye tumi yeɛ ɔma nikyee biala te ase ma ye ɔ. Animnyam hã Nyameɛ daa daa! Amen.

Romanfoɛ 13:1

Ɔsɛ kyɛ sona biala brɛ ye nwo ase wura maen mbanyi tumi bo, ofikyɛ tumi biala nne berɛ, sana bɔ ofi Nyameɛ berɛ ɔ; na tumi mɔ bɔ bɛwɔ berɛ ne, Nyameɛ yeɛ wahyehyɛ wato berɛ ɔ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

Yakobo 4:17

Yiti ebiala bɔ ɔse paa bɔ ɔsɛ kyɛ ɔyɔ, nakoso ɔnyɔ ne, ɔte bɔne ma ye.