Yohane 18:4 - AHYERƐLƐ KRONGRON

⁴ Na Yesu de, né ɔse bɔ ɔbaato ye amukoraa; na ɔhɔle ye nyunu moa, na obisale bɛ kyɛ, “Ɛmɔpena nwa?”

Yohane 18:4 Iomraidhean Croise

1 Ahemvo 18:10

Kyɛ AWURADE wɔ Nyameɛ te ase ye, maen biala anaa ahennie biala nne berɛ bɔ yeɛ me mene Ahabo, ɔssomane maa bɛhhɔle so bɛɛpenane wɔ ɔ. Na sɛ berɛ ama kã kyɛ, ‘Ɔnne wa’ a, ɔmaa sɔ maen ne anaa ahennie ne ta ndaen kyɛ bennwuni wɔ.

Nehemia 6:11

Nakoso mmuale kyɛ, “Mmenia bɔ bɛnwati bɛkɔfea ne, ebie ole me? Sona bɔ ɔte kyɛ me, aso odi kyɛ ɔnwati ɔkɔfea asɔneyɛɛ sua nu amaa onya ye ti odidi nu? Mengɔhɔ asɔneyɛɛ sua ne anu!”

Edwein 27:3

Sɛ ɛlɔen kyekye asikyeleɛ kyɛ bɛbaafa koɛ bɛtoa me po a, me kunu ngɔtete me; sɛ bɛfa koɛ bɛbateta me po a, ngogyina pindinn.

Edwein 3:6

Menzuro mmenia apee apee bɔ babɔ me nwo porɛ bapɛ me nwo bayia ne.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Mateo 16:21

Ofi sɔ mmerɛ ne, Yesu hyɛle ye bo hyirele ye asuafoɛ nemɔ kyɛ, odi kyɛ ɔkɔ Yerusalem ná okonwu amaneɛ pee wɔ maen mbanyi ne asɔfo mbanyi ne ahyerɛlɛfoɛ mɔ bɛ sa nu, ná beku ye, ná ye ɛlɛsa so otingye.

Mateo 26:2

“Kyɛbɔ ɛmɔse ne, waha elenyɔ né Abɔtra aluolue ne adwu, na bɛkɔye Sona Awa ne bɛkɔma maa bɛkɔbɔ ye mmeamudua nu.”

Mateo 26:21

Na bedidi nen, ɔhane kyɛ, “Nahorɛ nu, mekã mekyire ɛmɔ kyɛ, ɛmɔ nu ko kɔye me kɔma.”

Mateo 26:31

Yeɛ Yesu sele bɛ kyɛ, “Me nwo kɔyɛ sundidua kɔma ɛmɔ amukoraa ɛnɛ kɔngɔen ye, ofikyɛ bahyerɛ ye kyɛ, ‘Ngopura mmoaenneafoɛ ne, na mmoaen bɔ bɛwɔ kure ne anu ne, bɛkɔbɔ aya.’

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 13:11

Né Yesu se bɔ ɔbaaye ye ma ne; ye sɔ ati yeɛ ɔhane kyɛ, “Nna ɛmɔ amukoraa yeɛ ɛmɔ nwo afi ɔ.”

Yohane 18:5

Na bebuale ye kyɛ, “Yesu, Nasarɛteniɛ ne.” Yeɛ Yesu sele bɛ kyɛ, “Me ɛhe.” Na Yudase bɔ ɔyele ye mane ne, né ɔne bɛ yeɛ begyigyi berɛ ɔ.

Yohane 18:7

Yeɛ obisale bɛ bieku kyɛ, “Ɛmɔpena nwa?” Na bebuale kyɛ, “Yesu, Nasarɛteniɛ ne.”

Yohane 19:28

Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”

Yohane 6:64

Nakoso ɛmɔ nu biemɔ wɔ berɛ bɔ benne benni ɔ.” Na ofi ahyɛaseɛ ne, né Yesu se bɛ bɔ benne benni ɔ; ɔne sona bɔ ɔkɔye ye kɔma ne.

Asomafoɛ 2:28

Ahyire me ngoa atee; na ɔnate kyɛ ɛne me wɔ berɛ ne ati, ngonya anika mmorosoɛ.’

1 Petro 4:1

Na kyɛbɔ ɔnate yɛ ti yeɛ Kristo nwuni amaneɛ wɔ anwoɔnaen nu ne, ɛmɔ koso, ɔsɛ kyɛ ɛmɔnya sɔ adwene ne ná ɛmɔmia ɛmɔ nye; ofikyɛ ebiala bɔ wanwu anwoɔnaen nu amaneɛ ne, wayakyi bɔne yɔlɛ;