Yohane 18:37 - AHYERƐLƐ KRONGRON

³⁷ Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 18:37 Iomraidhean Croise

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Mateo 27:11

Né Yesu gyi amrado ne nyunu berɛ; na amrado ne bisale ye kyɛ, “Wɔ ole Yudafoɛ Hene ne anaa?” Yeɛ Yesu buale ye kyɛ, “Ye ala yeɛ ahã ne.”

Marko 14:62

Na Yesu buale kyɛ, “Yoo, Me ole ye; na ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum nu ɔ!.”

Marko 15:2

Na Pilato bisale ye kyɛ, “Wɔ ole Yudafoɛ Hene ne anaa?” Na obuale ye kyɛ, “Ye ala yeɛ ahã ne.”

Luka 22:70

Yeɛ bɛ mukoraa bebisale kyɛ, “Yiti wɔ ole Nyameɛ Awa ne anaa?” Na obuale bɛ kyɛ, “Ye ala yeɛ ɛmɔahã ne. Me ole ye!”

Luka 23:3

Yeɛ Pilato bisale ye kyɛ, “Wɔ ole Yudafoɛ Hene ne anaa?” Na obuale ye kyɛ, “Ye ala yeɛ ahã ne.”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 3:32

Odi bɔ wanwu ye ɔ ɔne bɔ wate ɔ nwo adanzeɛ, nakoso ebiala nne ye adanzeɛ ne ndo nu.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Yohane 8:14

Na Yesu buale bɛ kyɛ, “Sɛ medi me bɔbɔ me nwo adanzeɛ po a, m’adanzeɛ ne te nahorɛ; ofikyɛ mese nekaa bɔ mvi mmale ɔ, ɔne nekaa bɔ mékɔ ɔ. Nakoso ɛmɔ de, ɛmɔnze nekaa bɔ mvi mmale ɔ anaa nekaa bɔ mékɔ ɔ.

Yohane 8:45

Na ɔnate kyɛ mekã nahorɛ ne ati, ɛmɔnne me benni.

Yohane 8:46

Ɛmɔ nu nwa yeɛ obua me foɛ wɔ bɔne bie nwo ɔ? Na sɛ mekã nahorɛ ne a, nzu ati yeɛ ɛmɔnne me benni ɔ?

Yohane 8:47

Ebiala bɔ ofi Nyameɛ nu ne, otie Nyameɛ dwirɛ. Na nikyee ti bɔ ɔmaa ɛmɔndie ne ole kyɛ, nna Nyameɛ nu yeɛ ɛmɔfi ɔ.”

1 Timoteo 6:13

Nyameɛ bɔ ɔma nningyein amukoraa ngoa, ɔne Kristo Yesu bɔ ɔpakyele nu hane ye yé, ná olili adanzeɛ wɔ Pontio Pilato nyunu ne, metu wɔ foɛ wɔ bɛ nyunu,

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Yohane 2:21

Nna kyɛ ɛmɔnze nahorɛ ne ti yeɛ mekyerɛ he mebrɛ ɛmɔ ɔ, na mmom kyɛ ɛmɔse, na afei ɛmɔsa bɛse kyɛ ngondombo biala mvi nahorɛ nu mma.

1 Yohane 3:14

Yɛse kyɛ yɛfi ewue nu yawa ngoa nu, ofikyɛ yɛkuro aliɛmaa nemɔ dwirɛ. Na bɔ onguro oliɛma dwirɛ ne tɛte ewue nu.

1 Yohane 3:19

Ɛhe yeɛ ɔmaa yɛnwu ye kyɛ nahorɛ ne wɔ yɛ nu ɔ, amaa y’ahone atɔ yɛ kunu wɔ ye nyunu:

1 Yohane 4:6

Yɛ de, yɛte Nyameɛ deɛ, na ebiala bɔ ɔse Nyameɛ ne, otie yɛ dwirɛ; nakoso bɔ ɔtte Nyameɛ deɛ ne de ondie yɛ dwirɛ. Na ɛhe yeɛ ɔmaa yɛnwu nahorɛ Sunzum ne ngondombo sunzum ɔ.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe: