Yohane 18:35 - AHYERƐLƐ KRONGRON

³⁵ Na Pilato buale ye kyɛ, “Nde Yudaniɛ anaa? Wɔ bɔbɔ wɔ maen ne asɔfo mbanyi yeɛ bɛfale wɔ bɛbrɛle me ɔ; nzikyɛ yeɛ ayɔ ɔ?”

Yohane 18:35 Iomraidhean Croise

Ɛsra 4:12

Nana, yɛbɔ wɔ amaneɛ kyɛ, Yudafoɛ bɔ befili wɔ dɔ bɛwale yɛ wa ne, baadwu Yerusalem, na besa bɛkyekye ɛlɔenyɛlɛfoɛ ne amumuyɛɛfoɛ kuro ne bieku. Fasue ne, basa bagua ye fapem ne maa wanya anwoserɛ, na waha kãa né bayie ye to.

Nehemia 4:2

na ɔhane wɔ ye mmango nemɔ ɔne Samaria koɛhonɛfoɛ nemɔ anyunu kyɛ, “Yudafoɛ bɔ bɛ nwo anwumvoin hemɔ, nzikyɛ yeɛ bɛyɔ ye? Aso bekosa bɛkɔtoto nningyein ye anaa? Aso bɛkɔbɔ afɔleɛ anaa? Aso bekoyie adwuma ye ɛlɛho? Nyɔboɛ bɔ wadwiri wagua wahonhɔn wahɔ anwuro bɔ see ayera ye ye, aso bekonya nyɔboɛ bekofi nu?”

Yohane 18:28

Yeɛ bɛfale Yesu befili Kaifa berɛ bɛhɔle amrado n’aluo berɛ; na né ɔte ngyerɛmɔ tutuutu. Nakoso bɛ bɔbɔ de, bangɔ amrado n’aluo berɛ bie, kyɛbɔ ɔkɔyɛ bɔ bɛ nwo ngogua fiɛ, ná bahora bali Abɔtra (aleɛ) ne ɔ.

Yohane 18:34

Na Yesu buale kyɛ, “Wɔ bɔbɔ yeɛ ɛ́bɔ wɔ ti anu ɛkã ɔ, anaakyɛ ebiemɔ yeɛ bahã me nwo dwirɛ bahyire wɔ ɔ?”

Yohane 18:36

Yesu buale kyɛ, “M’ahennie ne, offi wiase wa. Sɛ m’ahennie ne ofi wiase wa a, ahaa m’asomvoɛ mɔ bɛkɔho, bɔ ɔnate so bɛngɔfa me bengowura Yudafoɛ mɔ sa ɔ; nakoso m’ahennie ne offi wiase wa.”

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

Yohane 19:6

Na asɔfo mbanyi nemɔ ne awɛmvoɛ nemɔ benwuni ye ne, bɛteateane nu kyɛ, “Bɔ ye mmeamudua nu! Bɔ ye mmeamudua nu!” Na Pilato sele bɛ kyɛ, “Ɛmɔ bɔbɔ bɛfa ye bɛɛbɔ ye mmeamudua nu! Ofikyɛ me de, mennwu kyɛ odi fɔ biala ɔ.”

Asomafoɛ 21:38

Yiti nna wɔ ole Misraimniɛ bie bɔ ɛlɛsa ye ɔyɔle basabasa (tiale awaen ne,) na ɔfale awudifoɛ amammɔyɛfoɛ apee nna tɔle ɛserɛ so dɔ ne?”

Asomafoɛ 23:29

Nakoso nwuni kyɛ ɔyyɔle nikyee biala bɔ ɔfata ehunɛ anaakyɛ kuku nu tolɛ ɔ; na mmom bɛ bɔbɔ bɛ mmeraa nwo yeɛ babɔ ye kwaadu ɔ.

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.