Yohane 18:32 - AHYERƐLƐ KRONGRON

³² Na ɛhe sili mane Yesu dwirɛ bɔ ɔhã fale ewue horɛ bɔ okowu ne nwo wale nu.

Yohane 18:32 Iomraidhean Croise

Edwein 22:16

Ngyea apɛ me nwo bayia, nzɛmmɔnefoɛ fekue bapɛ me nwo kango; bafa nikyee basinasina me gya ne me sa.

Mateo 20:19

na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 26:2

“Kyɛbɔ ɛmɔse ne, waha elenyɔ né Abɔtra aluolue ne adwu, na bɛkɔye Sona Awa ne bɛkɔma maa bɛkɔbɔ ye mmeamudua nu.”

Marko 10:33

“Ɛ́mɔtie, yɛ́fo yɛ́kɔ Yerusalem, na bɛkɔye Sona Awa ne bekowura asɔfo mbanyi ne ahyerɛlɛfoɛ sa, na bekobua ye ewue foɛ, ná bafa ye bawura Amaenmaensofoɛ sa;

Yohane 10:31

Yeɛ Yudafoɛ nemɔ sesale nyɔboɛ bieku kyɛ bɛkwaafa bɛboro ye.

Yohane 10:33

Na Yudafoɛ nemɔ buale kyɛ, “Nna adwuma paa bie ti yeɛ yɛbaaboro wɔ nyɔboɛ ɔ; na mmom musue dwirɛ ti ɔ; ofikyɛ ɛte kuro sona, nakoso ɛyɛ wɔ nwo kyɛ Nyameɛ.”

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Yohane 18:31

Yeɛ Pilato sele bɛ kyɛ, “Ɛmɔ bɔbɔ ɛ́mɔfa ye bɛhɔ, ná ɛmɔgyina ɛmɔ mmeraa so bebua ye ndɛen.” Yeɛ Yudafoɛ nemɔ sele ye kyɛ, “Yɛ de, mmeraa mma yɛ ate kyɛ yɛku sona biala ɔ.”

Yohane 21:19

(Ɔhane ɛhe fa hyirele ewue horɛ bɔ ɔkɔfa kɔhyɛ Nyameɛ animnyam ɔ.) Na ɔhane sɔ dwirɛ ne nen, afei osele ye kyɛ, “Di me si.”

Yohane 3:14

Na kyɛbɔ Mose mane ewoo ne aso wɔ ɛserɛ so nen, sɔ ala yeɛ odi kyɛ bɛma Sona Awa ne aso ɔ,

Yohane 8:28

Yiti Yesu hane kyɛ, “Sɛ ɛmɔnya bɛma Sona Awa ne so a, yeɛ ɛmɔkonwu kyɛ me ole ye ɔ; na memva me bɔbɔ me tumi menyɔ nikye fee, na mmom kyɛbɔ Baba ne hyirehyirele me ne, sɔ ala yeɛ mekã ɔ.

Asomafoɛ 7:59

Na bɛwɔ so bɔ bɛboro Setefano nyɔboɛ ne, ɔhɔle so bɔle mbaeɛ kyɛ, “Awurade Yesu, de me sunzum!”

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Deuteronomi 21:23

nnɛyakyi ye fuin ne bakaa ne aso kɔngɔen ne amu. Sie ye sɔ kyẽa ne ala, ofikyɛ sona bɔ basinze ye bakaa so ne, Nyameɛ anoma ye. Yiti aseɛ bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ ne, nnɛfa efiɛ ka ye.