Yohane 18:24 - AHYERƐLƐ KRONGRON

²⁴ Yeɛ Anase maa bɛfale nyamaa bɛkyekyele ye bɛfale ye bɛɛmane ɔsɔfo panyi paa Kaifa.

Yohane 18:24 Iomraidhean Croise

Mateo 26:57

Bɛ bɔ bɛhyele Yesu ne, bɛfale ye bɛhɔle ɔsɔfo panyi paa Kaifa berɛ, nekaa bɔ né ahyerɛlɛfoɛ ne maen mbanyi mɔ bayia ɔ.

Luka 3:2

Na mmerɛ bɔ né Anase ne Kaifa yeɛ bɛte asɔfo mbanyi paa ne, Nyameɛ lale ye dwirɛ ali hyirele Sakaria awa Yohane wɔ ɛserɛ so.

Yohane 18:13

Na belili moa bɛfale ye bɛhɔle Anase nyunu; ofikyɛ né ye sia ole Kaifa bɔ ɔte ɔsɔfo panyi paa wɔ sɔ afoɛ ne anu ne.

Yohane 18:15

Yeɛ Simɔn Petro lili Yesu si, na sɔ ala yeɛ suaniɛ ko bie koso yɔle ɔ. Né ɔsɔfo panyi paa ne ɔse sɔ suaniɛ ne, yiti ɔne Yesu bewurale ɔsɔfo panyi paa n’aluo berɛ.