Yohane 18:20 - AHYERƐLƐ KRONGRON

²⁰ Na Yesu buale ye kyɛ, “Me de, madwudwo pefee mahyire wiase; nyɛle me ngyerɛkyerɛ mmerɛ biala wɔ nyianu sua mɔ nu ne asɔneyɛɛ sua ne anu, nekaa bɔ Yudafoɛ amukoraa bɛbayia ɔ; na manga dwirɛ biala wɔ mvealeɛ nu.

Yohane 18:20 Iomraidhean Croise

Edwein 22:22

Ngɔbɔ wɔ dumaa ngohyire nniɛma mɔ; ngɔye wɔ ayɛ wɔ badwa nu.

Edwein 40:9

Mahã tenenee nwo ndɛenvɛen ne wɔ badwa kandinga ne anu. Ao AWURADE, kyɛbɔ wɔ bɔbɔ ɛse ne, amba, mangã me noa mando nu.

Yesaya 45:19

Nna mvealeɛ nu yeɛ ndwudwole ɔ, nna aseɛ so nekaa bie bɔ ɔte awosii ɔ; manga mangyire Yakob boso ama kyɛ, ‘Odi kyɛ ɛmɔpena me si atee wɔ basabasayɔlɛ nu.’ Me ole AWURADE bɔ medwudwo nahorɛ nu ɔ, edwirɛ bɔ ɔtengyɛ yeɛ mekã ɔ.

Yesaya 48:16

Ɛmɔhwe bepingye me, ɛ́mɔtie sɔ dwirɛ he: Ofi ahyɛaseɛ ne, nndwudwole mvealeɛ nu, ofi mmerɛ bɔ osili ne, né nwɔ berɛ.” Na afei de, AWURADE Nyameɛ ɔne ye Sunzum basoma me.

Mateo 24:26

“Yiti, sɛ bɛkã bekyire ɛmɔ kyɛ, ‘Nea, ɔwɔ ɛserɛ so dɔ’ a, nnɛma ɛmɔkɔ dɔ; yeɛ sɛ bɛkã kyɛ, ‘Nea, ɔwɔ pumbu nemɔ anu dɔ’ a, nnɛma ɛmɔde bedi.

Mateo 26:55

Na sɔ mmerɛ ne anu ala, Yesu sele ɛlɔen ne kyɛ, “Yiti ngrandɛ ne mmopura yeɛ ɛmɔfa bɛbakye me ɔ, kyɛ awerɔm awueniɛ bɔ ɛmɔba ye so ɔ? Ndenane asɔneyɛɛ sua ne anu nyɛle ngyerɛkyerɛ daa biala, nakoso ɛmɔangye me.

Mateo 26:65

Yeɛ ɔsɔfo panyi paa ne sunzuale ye ndaadeɛ nu hane kyɛ, “Wahã musue dwirɛ! Adanzefoɛ bieku de, yɛhia yɛyɛ ye sɛ? Eh, afei de, ɛmɔate ye musue dwirɛ ne!

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 9:35

Yesu hɔle nguro ne nguraa ne amukoraa so aporɔ yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba, na ɔsale anwonyerɛ ne anwommerɛlɛ amukoraa.

Marko 8:32

Ɔhane sɔ dwirɛ ne pefee. Na Petro fale Yesu hɔle ahameɛ, na ɔhyɛle ye bo ohwili ye nyunu.

Luka 21:37

Ɔyɛle ngyerɛkyerɛ daa biala wɔ asɔneyɛɛ sua ne anu, na aleɛ dwo a, né ofi berɛ kɔtena bokaa bɔ bɛfrɛ ye Olive Bokaa ne aso.

Luka 4:15

Ɔyɛle ngyerɛkyerɛ wɔ bɛ nyianu sua nemɔ anu, na bɛ mukoraa bɛhyɛle ye animnyam.

Yohane 18:21

Nzu ati yeɛ ebisa me ɔ? Bisa bɛ bɔ betiele me ne, na bɔ nga ngyirele bɛ ne, bɛ yeɛ bɛse bɔ ngane ɔ.”

Yohane 6:59

Mmerɛ bɔ né ɔ́yɛ ngyerɛkyerɛ wɔ Kapanɔm nyianu sua nu yeɛ ɔhane sɔ dwirɛ nemɔ ɔ.

Yohane 7:14

Na bedwuli aluoluelilɛ n’afia nen, Yesu hɔle asɔneyɛɛ sua ne anu ɔɔyɛle ngyerɛkyerɛ.

Yohane 7:26

Nea, ɔwɔ wa odwudwo petee nu, nakoso benze ye huu! Mbanyi nemɔ, aso bɛse amba kyɛ ɛhe ole Kristo ne anaa?

Yohane 7:28

Na Yesu gu so bɔ ɔyɛ ngyerɛkyerɛ wɔ asɔneyɛɛ sua ne anu nen, ɔteane nu hane kyɛ, “Ɛmɔse me, yeɛ ɛmɔse nekaa bɔ mvi ɔ. Nakoso nna me bɔbɔ me tumi so yeɛ mva mmale ɔ; na bɔ ɔsomane me ne te nahorɛniɛ, na ɛmɔnze ye.

Yohane 7:4

Ofikyɛ ebiala bɔ ɔpena kyɛ mmenia benwu ye nen, ɔnyɔ ye nningyein mvea. Sɛ ɛyɔ ɛhemɔ de a, ye de da wɔ nwo ali kyire wiase.”

Yohane 8:2

Na aleɛ hyene ngyerɛmɔ tutututu ne, osa wale asɔneyɛɛ sua nu berɛ, na ɛlɔen ne amukoraa bɛwale ye berɛ, na ɔtenane ase yɛle ngyerɛkyerɛ hyirele bɛ.

Yohane 8:26

Na nne ɛmɔ nwo dwirɛ pee mekã, ɔne ɛmɔ nwo ndɛen mebua; na bɔ ɔsomane me ne te nahorɛniɛ. Na bɔ nde mvili ye berɛ ne ala yeɛ mekã mekyire wiase ɔ.”

Asomafoɛ 26:26

Ofikyɛ Nana se sɔ dwirɛ hemɔ amu, na masi m’ahone yeɛ mekã mekyire ye ɔ; yeɛ mede medi koso kyɛ ɛhemɔ nu biala nne berɛ bɔ ɔnze ɔ, ɔnate kyɛ banyɔ ɛhemɔ nu biala wɔ mvealeɛ nu.