Yohane 18:11 - AHYERƐLƐ KRONGRON

¹¹ Na Yesu sele Petro kyɛ, “Fa wɔ ngrandɛ ne wura ye bɔha ne anu! Kulie bɔ me Baba afa ama me ne, aso onni kyɛ meno anaa?”

Yohane 18:11 Iomraidhean Croise

2 Samuel 16:10

Nakoso Nana Dawide buale ye kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu? Amoen bɔ ɔ́boro ye, sɛ AWURADE yeɛ waha wahyire ye kyɛ, ‘Boro Dawide amoen,’ a, nwa yeɛ ɔkɔhora kobisa ye kyɛ, ‘Nzu ati yeɛ ɛ́yɔ sɔ ɔ?’ ”

Edwein 75:8

Ofikyɛ AWURADE tira kwangoa bie wɔ ye sa nu, bɔ nzaa bɔ ye noa yɛ hye, bɔ opu ahure wɔ nu ɔ; okohwie nzaa ne bie, na wiase bɔnefoɛ amukoraa bɛkɔno bekotu ye bo.

Hesekiel 23:31

Eliɛma brasua ne yɔleɛ yeɛ ayɔ bie ɔ, yiti ngɔfa ye kulie ne ngowura wɔ sa nu.

Mateo 20:22

Nakoso Yesu buale kyɛ, “Ɛmɔnze bɔ ɛmɔbisa ɔ. Kulie bɔ mebaano (ye noa) ne, aso ɛmɔkɔhora bɛkɔno anaa? [Yeɛ, asubɔlɛ bɔ bɛbaafa bɛbɔ me ne, ɛmɔkɔhora maa bɛkɔfa ebie bɛkɔbɔ ɛmɔ anaa?”] Na bebuale ye kyɛ, “Yɛkɔhora.”

Mateo 26:39

Na ɔhɔle ye nyunu moa kãa nen, ɔfale ye nyunu butuli berɛ bɔle mbaeɛ kyɛ, “Me Baba, sɛ ɔkɔyɛ yee a, ma sɔ kulie he ofi me so hɔ! Nakoso nna bɔ mepena hɔ ɔ, na mmom bɔ ɛpena ɔ.”

Mateo 26:42

Osa hɔle ye pɛen nyɔ so ɔɔbɔle mbaeɛ kyɛ, “Me Baba, sɛ sɔ kulie he ngɔhora ngofi me so ngɔhɔ, ná sana meno a, ye de, bɔ ekuro yeɛ ɔyɛ berɛ ɔ.”

Luka 12:30

Ofikyɛ ewiasefoɛ yeɛ bɛdwenedwene ɛhemɔ amukoraa nwo ɔ. Na ɛmɔ Baba se kyɛ ɛmɔhia sɔ nningyein nemɔ.

Luka 22:42

“Baba, sɛ ekuro a, ye sɔ kulie he fi me so; nakoso nna kyɛbɔ mekuro hɔ ɔ, na mmom bɔ ekuro ne yeɛ ɔyɛ berɛ ɔ.” [

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Yohane 18:36

Yesu buale kyɛ, “M’ahennie ne, offi wiase wa. Sɛ m’ahennie ne ofi wiase wa a, ahaa m’asomvoɛ mɔ bɛkɔho, bɔ ɔnate so bɛngɔfa me bengowura Yudafoɛ mɔ sa ɔ; nakoso m’ahennie ne offi wiase wa.”

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

2 Korintofoɛ 10:4

Ofikyɛ y’akodeɛ bɔ yɛfa yɛko ne ɔtte anwoɔnaen nu akodeɛ, na mmom ɔte Nyameɛ tumi akodeɛ bɔ yɛfa yɛdwiri anwoserɛ afealeɛ mɔ yɛgua ɔ.

2 Korintofoɛ 6:7

nahorɛ dwirɛ hanɛ nu, Nyameɛ tumi nu, yeɛ tenenee akodeɛ wɔ yɛ bɛen ne famaa so.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.