Yohane 18:1 - AHYERƐLƐ KRONGRON

¹ Na Yesu hane sɔ dwirɛ nemɔ nen, ɔne ye asuafoɛ nemɔ bɛɛpɛle asue Kidron; né turo bie wɔ berɛ, na ɔne ye asuafoɛ nemɔ bɛhɔle nu.

Yohane 18:1 Iomraidhean Croise

Gyenesise 2:15

Na AWURADE Nyameɛ fale biaa ne ɔɔtenane Eden turo ne anu, kyɛ ɔyɔ nu adwuma ná ɔnea so.

Gyenesise 3:23

Yiti AWURADE Nyameɛ foane ye fili Eden turo ne anu, kyɛ ɔɔyɔ kua wɔ aseɛ bɔ ɔyele ye fili nu ne aso.

2 Samuel 15:23

Dawide ne ye mmenia ne amukoraa, mmerɛ bɔ né bɛse bɛkɔ ne, Yerusalem kurotue ne amu besuni bɛbɔle awuye. Nana Dawide pɛle Kidron bɔnza ne. Na mmenia bɔ bɛboka ye so ne amukoraa pɛle bɔnza ne bɛfale bɛ nye behyirele ɛserɛ ne aso.

1 Ahemvo 15:13

Osa tuli ye nana brasua Maaka fili ɛhemmaa bia ne aso, ofikyɛ né Maaka wagyina Asera bosoen dosii bɔ ɔte akyiwadeɛ ɔ. Asa bubuli bosoen ne guale, na ɔyerale ye wɔ Kidron bɔnza ne anu.

1 Ahemvo 2:37

Ofikyɛ kyẽa bɔ ekotu wɔ bo, ná ɛkɔpɛ Kidron bɔnza ne, nwu ye kyɛ wɔ wue alaa ɛne, wɔ musue kɔbɔ wɔ bɔbɔ wɔ ti so.”

2 Ahemvo 23:12

Na afɔleɛ bokyea mɔ bɔ bɛwɔ Ahase aborɔsaen ne aso, bɔ Yuda ahemvo biemɔ yɔle ne, ɔne asɔneyɛɛ mɔ bɔ Manase sisili wɔ AWURADE awuro aluo nyɔ nemɔ anu ne, obubuli bɛ fili berɛ, na ogyili bɔ wabubu ne guale Kidron bɔnza ne anu.

2 Ahemvo 23:4

Nana Yosia fale ahyɛdeɛ mane ɔsɔfo panyi Hilkia, asɔfo bɔ belili so nemɔ, yeɛ afei fotoɛ so neafoɛ nemɔ kyɛ bɛnea AWURADE asɔneyɛɛ sua ne anu bɛyeye nningyein hemɔ befite: ngukue amukoraa bɔ bɛfa bɛsɔne Baal, bɔ bɛfa bɛsɔne Asera ɔne bɔ bɛfa bɛsɔne ewienu abɔdeɛ pembepembe amukoraa ne. Ɔyerale bɛ wɔ Yerusalem kuro ne asi dɔ wɔ Kidron mvofoen ne anu dɔ, na ɔsesale bɛ nzoen hɔle Betel.

2 Ahemvo 23:6

Yosia tuli Asera amoen bo fili AWURADE awuro berɛ. Ɔfa hɔle Kidron bɔnza ne anu wɔ Yerusalem kuro ne asi dɔ, na ɔyerale ye wɔ Kidron bɔnza ne anu. Otini amoen ne muhumuhu, na ɔto petene maen asieleɛ ne aso.

2 Aberɛso Dwirɛ 15:16

Nana Asa tuli ye bɔbɔ oni Maaka fili ɛhemmaa bia ne aso, ofikyɛ ɔyɔle Asera bosoen bɔ ɔte akyiwadeɛ ɔ. Asa pɛle Asera dosii ne tole ase, obubuli ye, na ɔyerale ye wɔ Kidron bɔnza ne anwo.

2 Aberɛso Dwirɛ 29:16

Asɔfo nemɔ bɛhɔle AWURADE awuro ne kunu dɔ paa kyɛ bɛkwaapete ye nwo. Nningyein amukoraa bɔ bɛ nwo nde bɔ benwuni bɛ wɔ asɔneyɛɛ sua ne anu ne, asɔfo nemɔ yeyele beeguale AWURADE awuro ne afia, na Lewifoɛ nemɔ sesale beeguale Kidron bɔnza ne anu.

2 Aberɛso Dwirɛ 30:14

Afɔleɛ mmokyea bɔ bɛwɔ Yerusalem nemɔ, bɛhyɛle ye bo betutuli bɛ bo, yeɛ ɛyɛɛ afɔleɛ mmokyea nemɔ koso, bɛsesale bɛ mukoraa beegyi beguale Kidron bɔnza ne anu.

Nehemia 2:15

Yiti mvo mvale bɔnza ne anwo kɔngɔen ngɔneaneane fasue ne. Afei ngakyili me nwo mmamvale Bɔnza Pambim ne anu, na nzale me si.

Yeremia 31:40

Na efuin ne nzoen bɔnza ne amukoraa, ɔne aseɛ amukoraa bɔ ɔkwaadwu asue Kidron, bɔ ɔkwaadwu Pɔngɔ pambim ne ndweasoɛ so wɔ eyia afiteleɛ so ne, ɔkɔyɛ krongron kɔma AWURADE. Ye bo ngotutu ko, yeɛ bengodwiri bengogua ase ko le.”

Lewitikɔso 2:6

Odi kyɛ ebubu nu mmaa mmaa ná éhwie ngoo gua so; ɔte aburoo afɔleɛ.

Mateo 26:30

Afei bɛtole ayɛyelɛ dwein, na befili berɛ bɛhɔle Olive Bokaa ne aso.

Mateo 26:36

Yeɛ Yesu ne bɛ bɛhɔle nekaa bie bɔ bɛfrɛ berɛ Getsemane, na osele asuafoɛ nemɔ kyɛ, “Ɛ́mɔtena wa maa ngɔ dɔ ngɔmɔ mbaeɛ.”

Marko 14:26

Afei bɛtole ayɛyelɛ dwein, na befili berɛ bɛhɔle Olive Bokaa ne aso.

Marko 14:32

Na bedwuli nekaa bie bɔ bɛfrɛ berɛ Getsemane, na osele ye asuafoɛ nemɔ kyɛ, “Ɛ́mɔtena wa, na mekwaabɔ mbaeɛ.”

Marko 14:42

Ɛ́mɔdwɔso! Ɛ́mɔma yɛhɔ! Ɛ́mɔnea, bɔ ɔbaaye me ma ne, wawa!”

Yohane 14:31

Nakoso kyɛbɔ Baba ne fale ahyɛdeɛ mane me ne, sɔ ala yeɛ meyɔ ɔ, amaa ɔnate so ewiase anwu kyɛ mekuro Baba ne dwirɛ. Ɛ́mɔdwɔso, ɛ́mɔma yɛfi wa yɛhɔ!”

Yohane 18:26

Na ɔsɔfo panyi paa ne ngoaa nemɔ anu ko, bɔ ye busuaniɛ yeɛ Petro pɛle ye so ne, obisale kyɛ, “Aso mannwu wɔ ne ye wɔ turo ne anu dɔ?”

Asomafoɛ 21:11

Na ɔwale yɛ nwo berɛ ne, ɔfale Pɔɔlo abɔsoɛ ne kyekyele ye bɔbɔ ye gya ne ye sa, na ɔhane kyɛ, “Kyɛ Sunzum Krongron ne kã hɔ ɛhe: ‘Sona bɔ ye abɔsoɛ ɛhe ne, sɔ ala yeɛ Yudafoɛ kɔkyekye ye wɔ Yerusalem ná bafa ye bawura Amaenmaensofoɛ sa ɔ.’ ”