Yohane 17:6 - AHYERƐLƐ KRONGRON

⁶ “Mmenia bɔ ɛyele bɛ fili wiase fa mane me ne, mala wɔ dumaa ali mahyire bɛ. Bɛte wɔ deɛ, na ɛfale bɛ mane me, na bali wɔ dwirɛ so.

Yohane 17:6 Iomraidhean Croise

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Edwein 22:22

Ngɔbɔ wɔ dumaa ngohyire nniɛma mɔ; ngɔye wɔ ayɛ wɔ badwa nu.

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Anyandera 2:10

Ofikyɛ ekonwu nworɛ, nimdeɛ kɔma wɔ kra nye kɔgye,

Anyandera 23:23

Tɔ nahorɛ, na nnɛyɛ ye atɔen; yeɛ tɔ nworɛ, foɛtulɛ, ne nimdeɛ.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 12:28

Baba, hyɛ wɔ dumaa animnyam!” Yeɛ komviɛ bie fili nyameɛso wale kyɛ, “Mahyɛ ye animnyam dada, na ngɔhyɛ ye animnyam bieku.”

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Yohane 15:3

Ɔnate edwirɛ bɔ mahã mahyire ɛmɔ ne ati, ɛmɔ nwo afi dada.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Yohane 17:12

Mmerɛ bɔ né me ne bɛ yɛwɔ wiase ne, mvale bɛ bɔ afa bɛ ama me ne nziele wɔ wɔ dumaa nu. Mabɔ bɛ nwo waen, na bɛ nu biala ammini, sana baa bɔ wamini ne; bɔ ɔnate so Ahyerɛlɛ ne awa nu ɔ.

Yohane 17:14

Mafa wɔ dwirɛ ne mama bɛ; na wiase apɔ bɛ, ofikyɛ nna wiase yeɛ befi ɔ, kyɛbɔ me koso mmvi wiase ne.

Yohane 17:16

Nna wiase yeɛ befi ɔ, kyɛbɔ me koso mmvi wiase ne.

Yohane 17:2

kyɛbɔ ama ye tumi wɔ anwoɔnaen amukoraa so, kyɛ ɔma ebiala bɔ afa ama ye ne daa ngoa ne.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Yohane 17:26

Mala wɔ dumaa ali mahyire bɛ, na ngɔla ye ali ngohyire; amaa ɔnate so ehurolɛ bɔ ekuro me dwirɛ ne watena bɛ nu, ná me koso matena bɛ nu.”

Yohane 17:7

Afei de, bɛse kyɛ nningyein amukoraa bɔ afa ama me ne, befi wɔ berɛ;

Yohane 18:9

Na ɛhe mane edwirɛ bɔ ɔhane ye kyɛ, “Bɛ bɔ afa bɛ ama me ne, mamma bɛ nu biala wammini ne” wale nu.

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Yohane 6:39

Na bɔ ɔsomane me n’apɛdeɛ ole kyɛ: bɔ ɔfa mane me ne amukoraa, mengɔma nu ko po ngomini ɔ, na mmom ngotingye ye wɔ ayieleɛ kyẽa ne.

Yohane 8:51

Nahorɛ nu paa, mekã mekyire ɛmɔ kyɛ, sɛ ebie di me dwirɛ so a, ongowu le.”

Yohane 8:52

Yeɛ Yudafoɛ nemɔ sele ye kyɛ, “Afei yeɛ yanwu kyɛ ele sunzummɔne ɔ. Abraham wuli, yeɛ ngɔmhyɛlɛfoɛ nemɔ koso bewuwuli ɔ, nakoso wɔ de ɛnwa, ‘Sɛ ebie di me dwirɛ so a, ongowu le.’

Asomafoɛ 13:48

Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Romanfoɛ 11:2

Nyameɛ de, ɔppole ye maen bɔ onwuni bɛ siele dada ne. Aso ɛmɔnze edwirɛ bɔ Ahyerɛlɛ ne kã fa Elia nwo, kyɛbɔ ɔbɔle Yisrael kwaadu hyirele Nyameɛ ne?

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

2 Timoteo 1:13

Edwirɛ paa mɔ bɔ ate afi me berɛ ne, sɔ ye nwo nhwɛsoɛ nu yé, gyidie ne ɔdɔ bɔ ɔwɔ Kristo Yesu nu ne anu.

Hebrifoɛ 2:12

Ɔnwa yoo: “Ngɔbɔ wɔ dumaa ngohyire nniɛma mɔ, na ngɔto dwein ngɔye wɔ ayɛ wɔ agyidifoɛ badwa nu.”

Hebrifoɛ 3:6

Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

1 Petro 1:1

Petro, Yesu Kristo somafoɛ, méfa mebrɛ bɛ bɔ babɔ aya bahɔ Ponto, Galatia, Kapadokia, Asia ne Bitinia,

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

Nyekyire 3:8

Mese wɔ nnwumaa. Na tie, mafa anoa bɔ babukye ɔ masie wɔ nyunu, na ebiala ngɔhora nu to; ɔwɔ nu kyɛ w’anwoserɛ te kãa bie, nakoso ali me dwirɛ so, na ambo me dumaa.