Yohane 17:5 - AHYERƐLƐ KRONGRON

⁵ Afei, O Baba, animnyam bɔ nne ye wɔ berɛ koraka yeɛ ewiase baawa ne, fa hyɛ me animnyam wɔ wɔ bɔbɔ wɔ berɛ.

Yohane 17:5 Iomraidhean Croise

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 10:30

Me ne Baba ne yɛte ko.”

Yohane 14:9

Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Yohane 3:13

Ebiala nne berɛ bɔ wafo wahɔ nyameɛso ɔ, sana bɔ ofi nyameɛso odwu wale ne, Sona Awa ne [bɔ ɔwɔ nyameɛso ne.]

Yohane 8:58

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, anzana Abraham baawa ne, né nwɔ berɛ.”

Filipifoɛ 2:6

Ye bɔ ɔwɔ Nyameɛ tebea nu de, nakoso wambere wanyɛ ye nwo kyɛ ɔne Nyameɛ bɛte pɛ ɔ,

Hebrifoɛ 1:10

Nyameɛ sa hane kyɛ yoo: “Wɔ, Awurade, ahyɛaseɛ ne, ɛtole aseɛ fapem, na anwuro te wɔ sa noa adwuma;

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

1 Petro 1:20

Ye yeɛ bɛyele ye besiele berɛ koraka yeɛ bɛbaabɔ wiase ɔ, nakoso ɔnate ɛmɔ ti yeɛ bala ye ali bahyire wɔ mmerɛ bɔ oli nziɛ ye anu ɔ.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Yohane 1:2

sɔ ngoa ne yele ye nwo ali, na yanwu ye, yɛdi ye nwo adanzeɛ, na daa ngoa bɔ né ɔne Baba ne wɔ berɛ na afei bɛyele ye ali behyirele yɛ ne yeɛ yɛbɔ ye nwo dawure yɛkyire ɛmɔ ye.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.