Yohane 17:21 - AHYERƐLƐ KRONGRON

²¹ amaa ɔnate so bɛ mukoraa bayɛ ko; kyɛbɔ wɔ, Baba, ɛwɔ me nu, ná me koso nwɔ wɔ nu ne, ná bɛ koso bayɛ ko wɔ yɛ nu, ná wiase ole li kyɛ wɔ yeɛ ɛsomane me ɔ.

Yohane 17:21 Iomraidhean Croise

Yeremia 32:39

Ngɔma bɛ ahone ko ne atee ko, amaa ɔnate so basuro me afebɔɔ, ɔnate bɛ bɔbɔ bɛ yeeyɛlɛ, ɔne kyẽa bie bɛ mma mɔ yeeyɛlɛ ti.

Sefania 3:9

“Sɔ mmerɛ ne, ngɔma maen maen mɔ bɛ noa dwirɛ kɔyɛ krongron, amaa ɔnate so bɛ mukoraa babɔ AWURADE dumaa, ná bayɛ ko baso ye.

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Marko 3:24

Na sɛ ahennie bie ne ye nwo ko a, sɔ ahennie ne ngora gyina.

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 10:30

Me ne Baba ne yɛte ko.”

Yohane 10:38

Na sɛ meyɔ, ná ɛmɔnne me benni po a, nnwumaa ne de odi kyɛ ɛmɔde bedi, amaa ɔnate so ɛmɔanwu ye, ná ɛmɔale bali kyɛ Baba ne ɔte me nu, na me koso nde Baba ne nu.”

Yohane 11:42

Me de, mese kyɛ etie me daa; na mmenia bɔ begyigyi wa ye ati yeɛ ɔmaa mahã sɔ ɔ, amaa ɔnate so bale bali kyɛ wɔ yeɛ ɛsomane me ɔ.”

Yohane 13:32

Na sɛ Nyameɛ anya ye nu animnyam a, Nyameɛ koso kɔhyɛ ye animnyam wɔ ye bɔbɔ ye nu, na ɔkɔhyɛ ye animnyam ndɛndɛ.

Yohane 13:35

Na sɛ ɛmɔkurokuro ɛmɔ nwo dwirɛ a, ɔnate ɛhe aso mmenia amukoraa bekonwu kyɛ ɛmɔte m’asuafoɛ.”

Yohane 17:11

Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Yohane 17:18

Na kyɛbɔ ɛsomane me wɔ wiase ne, sɔ ala yeɛ me koso masoma bɛ wɔ wiase ɔ.

Yohane 17:20

“Nna ɛhemɔ angome yeɛ mebɔ mbaeɛ mema bɛ ɔ, na mmom bɛ bɔ ɔnate bɛ dwirɛ so bekole me bekoli ne koso,

Yohane 17:25

O Baba Teneneeniɛ, wiase annwu wɔ, na me de, manwu wɔ; na ɛhemɔ banwu kyɛ wɔ yeɛ ɛsomane me ɔ.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yohane 3:17

“Ofikyɛ, Nyameɛ anzoma Ɔwa ne maa wamma wiase kyɛ oobua wiase ndɛen, na mmom kyɛ ɔkɔfa ye so kole wiase ɔ.

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 4:32

Agyidifoɛ fekue ne mane b’adwene yɛle ko. Ebiala le tole nu kyɛ ye nikyee biala bɔ ole ye ne ɔtte ye ngome ye deɛ, na mmom ɔte ebiala bɔ ɔwɔ fekue ne anu deɛ.

Romanfoɛ 12:5

sɔ ala yeɛ yɛ koso bɔ yɛsone ne, yɛte nipadua komapɛ wɔ Kristo nu ɔ. Ebiala te sonongo de, nakoso yɛ mukoraa yatoatoa nu yayɛ nipadua ko.

1 Korintofoɛ 1:10

Nniɛma mɔ, mefa y’Awurade Yesu Kristo dumaa mesrɛ ɛmɔ kyɛ ɛmɔ amukoraa ɛ́mɔyɛ ko ná mbakyembakyemuɛ amma ɛmɔ nu; na ɛ́mɔyɛ ko wɔ adwene ko ne porɛ bɔlɛ ko nu.

1 Korintofoɛ 12:12

Kyɛbɔ nipadua ne te ko, nakoso ole akwaa ahoroɔ; ná ɔwɔ nu kyɛ akwaa nemɔ sone de, nakoso bɛbɔ nu bɛyɛ nipadua ko ne, sɔ ala yeɛ Kristo te ɔ.

1 Korintofoɛ 6:17

Na sona bɔ ɔfa ye nwo bata Awurade ne, ɔne ye bɛyɛ ko sunzum nu.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

1 Yohane 1:3

Bɔ yanwu ye ná yate ne yeɛ yɛ koso yɛbɔ ye dawure yɛkyire ɛmɔ ɔ, amaa ɛmɔ koso ɛmɔ ne yɛ atira abiɛngoɛ; na y’abiɛngoɛ he, yɛne Baba ne, ɔne Ɔwa Yesu Kristo yeɛ yatira ɔ.

1 Yohane 5:7

Adanzefoɛ nza yeɛ bɛwɔ berɛ ɔ: