Yohane 17:20 - AHYERƐLƐ KRONGRON

²⁰ “Nna ɛhemɔ angome yeɛ mebɔ mbaeɛ mema bɛ ɔ, na mmom bɛ bɔ ɔnate bɛ dwirɛ so bekole me bekoli ne koso,

Yohane 17:20 Iomraidhean Croise

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 17:19

Meyɛ me nwo krongron mema bɛ, amaa ɔnate so bɛ koso bayɛ krongron wɔ nahorɛ ne anu.

Yohane 17:21

amaa ɔnate so bɛ mukoraa bayɛ ko; kyɛbɔ wɔ, Baba, ɛwɔ me nu, ná me koso nwɔ wɔ nu ne, ná bɛ koso bayɛ ko wɔ yɛ nu, ná wiase ole li kyɛ wɔ yeɛ ɛsomane me ɔ.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Romanfoɛ 16:26

nakoso afei de bala ye ali, na bɛnate bɔ ngɔmhyɛlɛfoɛ bɛhyerɛle ne aso bala ye ali bahyire maen amukoraati, kyɛbɔ Ɛdangama Nyameɛ ye ahyɛdeɛ te ne, amaa ɔnate so maen maen amukoraa bale bali ná bayɛ sotie bama ye.

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

2 Timoteo 1:2

mefa mebrɛ mma Timoteo bɔ ɔla m’ahone nwo ɔ. Adom, anwumvoinnwunɛ ne asomdwee bɔ ofi Baba Nyameɛ ne y’Awurade Kristo Yesu berɛ ɔyɛ wɔ deɛ.