Yohane 17:2 - AHYERƐLƐ KRONGRON

² kyɛbɔ ama ye tumi wɔ anwoɔnaen amukoraa so, kyɛ ɔma ebiala bɔ afa ama ye ne daa ngoa ne.

Yohane 17:2 Iomraidhean Croise

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Yohane 17:6

“Mmenia bɔ ɛyele bɛ fili wiase fa mane me ne, mala wɔ dumaa ali mahyire bɛ. Bɛte wɔ deɛ, na ɛfale bɛ mane me, na bali wɔ dwirɛ so.

Yohane 17:9

“Mésrɛ mema bɛ; menzrɛ memma wiase, na mmom bɛ bɔ afa bɛ ama me ne, ofikyɛ bɛte wɔ deɛ.

Yohane 3:35

Baba ne kuro Baa ne dwirɛ, na wafa nningyein mukoraa wawura ye sa.

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Yohane 6:39

Na bɔ ɔsomane me n’apɛdeɛ ole kyɛ: bɔ ɔfa mane me ne amukoraa, mengɔma nu ko po ngomini ɔ, na mmom ngotingye ye wɔ ayieleɛ kyẽa ne.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

1 Korintofoɛ 15:25

Ofikyɛ ɔsɛ kyɛ odi hene maa okodwu kyɛ ɔkɔfa ye pɔfoɛ mukoraa kɔyɛ ye gya bo ndiasoɛ ɔ.

Ɛfesofoɛ 1:20

bɔ ɔfa lili dwumaa wɔ Kristo nu, wɔ mmerɛ bɔ otingyele ye fili awufoɛ nu ne ɔte ne. Ɔfale ye ɔɔtenane ye sa famaa so wɔ nyameɛso,

Filipifoɛ 2:10

kyɛ Yesu dumaa nu yeɛ ɔsɛ kyɛ nangoroma mukoraa bɛkoto, bɔ ɔwɔ nyameɛso, bɔ ɔwɔ aseɛ so, ɔne bɔ ɔwɔ aseɛ bo dɔ ɔ,

1 Timoteo 1:16

Nakoso ɛhe ati yeɛ onwuni me anwunvoin ɔ, kyɛ me bɔ nni moa ne anu, Yesu Kristo kɔla ye aboterɛ amukoraa ali maa ɔkɔyɛ nhwɛsoɛ kɔma bɛ bɔ bekole ye bekoli bɛkɔhɔ daa ngoa nu ne.

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

1 Yohane 1:2

sɔ ngoa ne yele ye nwo ali, na yanwu ye, yɛdi ye nwo adanzeɛ, na daa ngoa bɔ né ɔne Baba ne wɔ berɛ na afei bɛyele ye ali behyirele yɛ ne yeɛ yɛbɔ ye nwo dawure yɛkyire ɛmɔ ye.

1 Yohane 2:25

Na bɔ wafa wahyɛ yɛ bɔ ole daa ngoa.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

Yuda 1:21

Ɛmɔhɔ so bɛtena Nyameɛ ɔdɔ nu, ná ɛ́mɔnwondɛ y’Awurade Yesu Kristo anwumvoinnwunɛ ne bɛhɔ daa ngoa nu.