Yohane 17:11 - AHYERƐLƐ KRONGRON

¹¹ Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Yohane 17:11 Iomraidhean Croise

Edwein 79:9

Ao, yɛ ngoalelɛ Nyameɛ, boka yɛ, ɔnate wɔ dumaa nwo animnyam ti; pepɛ de yɛ, ná fa yɛ bɔne kyɛ yɛ, ɔnate wɔ dumaa ti.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 27:3

Me, AWURADE, me yeɛ menea so ɔ, mmerɛ biala meguagua so nzue, mebɔ ye nwo waen kɔngɔen ne eyia, kyɛbɔ ebiala ngɔɔsɛkye ye ɔ.

Yesaya 64:2

Kyɛbɔ see sɔ ndire worowaa nu, ɔne kyɛbɔ see ma nzue hu ne, ma wɔ pɔfoɛ mɔ benwu wɔ dumaa, ná maen maen mɔ bɛ nwo ɔwosowoso bɛ wɔ wɔ nyunu!

Yeremia 14:21

Ɔnate wɔ dumaa ti, nnɛpo yɛ, nnɛgua w’animnyam ahennie bia ne anyunu ase; kaye, na nnɛpɛ w’apam bɔ ɛne yɛ yayɛ ne anu.

Yeremia 14:7

“Ɔwɔ nu kyɛ y’amumuyɛɛ bua yɛ fɔ de, nakoso AWURADE, wɔ dumaa ti, boka yɛ. Yasa yɛ si paa, na yayɔ bɔne yatia wɔ.

Hesekiel 20:22

Nakoso ɔnate me dumaa ti, ndwe nzale; nyɔle sɔ, amaa ɔnate so me dumaa nwo angua fiɛ wɔ maen maen nemɔ bɛ nyunu, maen maen bɔ bɛ nyunu yeɛ nyele bɛ mvili berɛ male ne.

Hesekiel 20:44

O Yisrael awuro ama, sɛ me dumaa ti menwu ɛmɔ anwumvoin, ná mangyina ɛmɔ bɔne so, anaa ɛmɔ yɔleɛ tɛɛ so me ne ɛmɔ yanni ye weewee a, ye de ɛmɔkonwu kyɛ me ole AWURADE; AWURADE Nyameɛ noa dwirɛ ɛne.”

Hesekiel 20:9

Nakoso ɔnate me dumaa ti, ndwe nzale, amaa ɔnate so me dumaa nwo angua fiɛ wɔ maen maen bɔ bɛte so nemɔ anyunu; maen maen bɔ so ama bɛ nye tua kyɛbɔ nyele me nwo ali ngyirele bɛ, ná nyele bɛ mvili Misraim aseɛ so ne.

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 5:48

Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Mateo 6:9

Yiti sɔaa yeɛ ɛ́mɔbɔ mbaeɛ: ‘Yɛ Baba bɔ ɛwɔ nyameɛso ɔ, Wɔ dumaa nwo te.

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 13:3

Né Yesu se kyɛ Baba ne afa nningyein amukoraa wawura ye sa, kyɛ ofi Baba ne berɛ yeɛ ɔwale ɔ, na ɔ́kɔ Baba ne berɛ;

Yohane 14:20

Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ.

Yohane 16:28

Baba ne berɛ yeɛ mvi mmale wiase ɔ; na afei de, méfi wiase, na mékɔ Baba ne berɛ.”

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 17:23

Nwɔ bɛ nu, na ɛwɔ me nu, na bali mu wɔ koyɛlɛ nu; na ɔnate so wiase konwu kyɛ wɔ yeɛ asoma me ɔ, na ekuro bɛ dwirɛ kyɛbɔ ekuro me dwirɛ ne.

Yohane 17:25

O Baba Teneneeniɛ, wiase annwu wɔ, na me de, manwu wɔ; na ɛhemɔ banwu kyɛ wɔ yeɛ ɛsomane me ɔ.

Yohane 17:6

“Mmenia bɔ ɛyele bɛ fili wiase fa mane me ne, mala wɔ dumaa ali mahyire bɛ. Bɛte wɔ deɛ, na ɛfale bɛ mane me, na bali wɔ dwirɛ so.

Yohane 7:33

Yeɛ Yesu sele bɛ kyɛ, “Me ne ɛmɔ kɔtena mmerɛ kãa bie, na afei ngɔhɔ bɔ ɔsomane me ne berɛ.

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

Romanfoɛ 12:5

sɔ ala yeɛ yɛ koso bɔ yɛsone ne, yɛte nipadua komapɛ wɔ Kristo nu ɔ. Ebiala te sonongo de, nakoso yɛ mukoraa yatoatoa nu yayɛ nipadua ko.

Romanfoɛ 9:17

Na ɛhe ati yeɛ Ahyerɛlɛ ne sele Faro kyɛ, “Mapagya wɔ, kyɛbɔ ngɔfa wɔ so ngɔma me tumi kɔla ali wɔ wɔ nu, ná babɔ me dumaa wɔ aseɛ so amukoraa ɔ.”

1 Korintofoɛ 1:10

Nniɛma mɔ, mefa y’Awurade Yesu Kristo dumaa mesrɛ ɛmɔ kyɛ ɛmɔ amukoraa ɛ́mɔyɛ ko ná mbakyembakyemuɛ amma ɛmɔ nu; na ɛ́mɔyɛ ko wɔ adwene ko ne porɛ bɔlɛ ko nu.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Ɛfesofoɛ 4:4

Ofikyɛ nipadua komapɛ ne Sunzum komapɛ yeɛ ɔwɔ berɛ ɔ, kyɛbɔ bafrɛ ɛmɔ koso wɔ anyelasoɛ komapɛ nu wɔ ɛmɔ frɛlɛ ne anu ne;

Filipifoɛ 2:9

Ye sɔ ati, Nyameɛ koso apagya ye piri paa, na wama ye dumaa bɔ ɔbo dumaa biala so ɔ,

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.

1 Yohane 3:12

Nnɛmɔyɛ kyɛ Kein bɔ ɔte abɔnzam sona, bɔ ohuni oliɛma ne. Na nzu ati yeɛ ohuni oliɛma ne ɔ? Ofikyɛ né ye yɔleɛ ndengyɛ, nakoso oliɛma ne deɛ de, né ɔtengyɛ.

1 Yohane 5:19

Yɛse kyɛ yɛte Nyameɛ deɛ, yeɛ ewiase amukoraa wura bɔnefoɛ ne bo.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 19:12

Ye nye mmaa te kyɛ see bɔ ogye ɔ, na ahennie abotire pee bobɔ ye ti; na né ole dumaa bie bɔ bahyerɛ bɔ ebiala nze ɔ, sana ye bɔbɔ.

Nyekyire 4:8

Na abɔdeɛ ateasefoɛ nna ne, nu biala le ndaa nzia, na anyeɛ tuatua bɛ nwo ne bɛ nu amukoraa, na alehyeleɛ ne alesaleɛ biala bɛto dwein bɔ bɛnyakyi ɔ, kyɛ, “Tuminiɛ Awurade Nyameɛ, ɔte krongron, krongron, krongron ye yeɛ ɔwɔ berɛ fi tetetete, ɔwɔ berɛ kekesaala ye, ná ɔbaawa ne!