Yohane 17:1 - AHYERƐLƐ KRONGRON

¹ Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Yohane 17:1 Iomraidhean Croise

Edwein 123:1

1 Wɔ yeɛ mema me ti so menea wɔ ɔ, ao wɔ bɔ ɛte w’ahennie bia so wɔ nyameɛso ɔ!

Yesaya 38:14

Mesu meteatea nu kyɛ nandwinoma anaa bɔlanoma, mepene kyɛ abubure. Mepagya me nye menea anwuro toonn ma me nye mmaa yɛ mmosonoo. O AWURADE, mali amia, pepɛ de me!

Marko 14:41

Osa wale ye pɛen nza so, na osele bɛ kyɛ, “Ɛmɔtɛda, ɛmɔtɛde bɛ nwome? Wayɛ yee! Mmerɛ ne adwu! Ɛ́mɔnea, bɛ́ye Sona Awa ne béwura bɔnefoɛ sa.

Luka 18:13

“Nakoso ɛtoɔdidelɛniɛ ne de, oogyinane nziɛ nziɛ, na wanguro kyɛ ɔkɔma ye nye so kɔnea nyameɛso po ɔ, na mmom ɔfale ye sa guale ye ahone so hane kyɛ, ‘O Nyameɛ, nde bɔnefoɛ, na nwu me anwumvoin!’

Luka 22:53

Daa biala bɔ né me ne ɛmɔ yɛwɔ asɔneyɛɛ sua ne anu nen, ɛmɔangye me. Na ɛhe yeɛ ɔte ɛmɔ mmerɛ ne awosii tumi ɔ.”

Yohane 11:4

Na Yesu tele ɛhe nen, ɔhane kyɛ, “Sɔ anwonyerɛ he, nna ewue anwonyerɛ ɔ; na mmom Nyameɛ animnyam ti ɔ, amaa ɔnate ɛhe aso bahyɛ Nyameɛ Awa ne animnyam.”

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

Yohane 12:23

Na Yesu buale bɛ kyɛ, “Mmerɛ ne aso kyɛ bɛhyɛ sona Awa ne animnyam ɔ.

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 16:32

Ɛ́mɔtie, mmerɛ ne ɔ́ba, na wanya wawa, bɔ ɛmɔkɔbɔ aya, bɔ ebiala kɔhɔ ye kuro ɔ, na ɛmɔkɔyakyi me ngome nu; nakoso ɔhhale me ngome, ofikyɛ Baba ne boka me so.

Yohane 7:30

Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli.

Yohane 7:39

Na ɛhe de, ɔhã fale Sunzum ne nwo, bɔ mmenia bɔ bede ye bedi ne bɛbaanya ye ɔ; né Sunzum ne onnya ɔwwale, ofikyɛ né bennya bɛhhyɛle Yesu animnyam.

Yohane 8:20

Mmerɛ bɔ né ɔyɛ ngyerɛkyerɛ wɔ asɔneyɛɛ sua ne anu, wɔ nekaa bɔ fotoɛ alaka nemɔ begyigyi ne yeɛ ɔhane sɔ dwirɛ nemɔ ɔ; nakoso ebiala angye ye, ofikyɛ né ye mmerɛ ne onnya oddwuli.

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.