Yohane 16:33 - AHYERƐLƐ KRONGRON

³³ Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 16:33 Iomraidhean Croise

Edwein 68:18

Ɛfole bokaa tendenn ne, elili bɛ bɔ ahye bɛ nnure ne nyunu wɔ mmerɛ bɔ elele akyɛdeɛ bɔ ɔte mmenia ɔ, bɔ ɛlɔenyɛlɛfoɛ po bɛboka so ɔ amaa ɔnate so AWURADE Nyameɛ watena bɛ nu.

Mika 5:5

Na ye yeɛ ɔkɔyɛ asomdwee ne ɔ. Sɛ Asiria ɔba y’aseɛ ne aso, ná otiatia y’ahemvie nemɔ aso a, yɛkɔye neafoɛ nzoo ne atitirefoɛ mmɔtwɛ maa bekodwɔso bekotia ye.

Mateo 9:2

Eh, bɛfale bubuaniɛ bie bɔ ɔla bɛen so ɔ bɛwale ye berɛ, na Yesu nwuni bɛ gyidie nen, osele bubuaniɛ ne kyɛ, “Mma, ma w’ahone tɔ wɔ kunu! Bafa wɔ bɔne bahyɛ wɔ.”

Luka 19:38

kyɛ, “Saleɛ ole Ɛhene bɔ ɔnate Awurade dumaa nu ɔba ye! Asomdwee wɔ nyameɛso, na animnyam wɔ anwuro anwuro!”

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Yohane 12:31

Afei ewiase ndɛenbualɛ ne wadwu; bɔ odi wiase he aso ne, bekye yeɛ bɛbaaye ye befi berɛ ɔ.

Yohane 14:1

“Nnɛmɔma ɛmɔ wora bɔ! Ɛmɔ de, ɛmɔle Nyameɛ beli, ná ɛmɔle me koso beli.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Yohane 16:11

ndɛenbualɛ nwo, ofikyɛ Nyameɛ abua bɔ odi wiase he aso ne ndɛen dada.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 23:11

Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”

Asomafoɛ 27:22

Nakoso, mesrɛ ɛmɔ, nnɛma ɛmɔ abasa nu bu! Ofikyɛ ɛmɔ nu biala ngɔhwere ye ngoa, sana ɛlɛen ne ngome yeɛ ɔkɔsɛkye ɔ.

Asomafoɛ 27:25

Yiti, biamɔ, nnɛma ɛmɔ abasa nu bu! Na mede Nyameɛ medi kyɛ bɔ ɔhã hyirele me ne kɔyɛ berɛ pɛpɛɛpɛ.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

2 Korintofoɛ 1:3

Animnyam hã Nyameɛ bɔ ɔte y’Awurade Yesu Kristo Baba ne, anwumvoinnwunɛ Baba ne aworakyekyerɛ mukoraa Nyameɛ ne,

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

2 Korintofoɛ 6:4

Na mmom yɛye yɛ nwo ali yekyire kyɛ yɛte Nyameɛ asomvoɛ wɔ atee biala so: wɔ aboterɛ pee nu, amaneɛ nu, anwokyere nu, ateetee nu;

2 Korintofoɛ 7:4

Mede ɛmɔ medi paa, na mefa ɛmɔ mehoahoa me nwo koso paa. Me wora akyekye paa, na ɔwɔ nu kyɛ yɛfa amaneɛ nu de, nakoso m’anika abu afa so koraa.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

Filipifoɛ 4:7

Na Nyameɛ asomdwee bɔ ɔbo ndeaseɛ amukoraa so ne, ɔkɔnea ɛmɔ ahone ne ɛmɔ adwene so wɔ Kristo Yesu nu.

Kolosefoɛ 1:20

Ɔnate ye so Nyameɛ ahwe nningyein mukoraa bɔ bɛwɔ aseɛ so ne nyameɛso wabata ye bɔbɔ ye nwo; na ɔnate ye mmeamudua nu mogya ne aso yeɛ wama sɔ asomdwee ye awa ɔ.

1 Tɛsalonikafoɛ 3:4

Ɔnate kyɛ, mmerɛ bɔ né yɛwɔ ɛmɔ berɛ nen, yɛlili moa yɛhã yɛhyirele ɛmɔ kyɛ yɛkonwu amaneɛ, na kyɛbɔ ɛmɔse nen, sɔ ala koso yeɛ wasi ɔ.

1 Tɛsalonikafoɛ 3:7

Yiti aliɛmaa mɔ, y’anwokyere ne amaneɛnwunɛ mukoraa nu ne, ɛmɔ gyidie ne amaa yanya ɛmɔ nwo aworakyekyerɛ;

2 Tɛsalonika 3:16

Yɛsrɛ kyɛ asomdwee Awurade ne bɔbɔ ɔma ɛmɔ asomdwee daa wɔ atee biala so. Awurade ne ɛmɔ amukoraa bɛtena.

2 Timoteo 3:12

Amba, sona biala bɔ ɔpena kyɛ ɔbɔ bra bɔ ɔsɔ anyeɛ wɔ Kristo Yesu nu ne, bɛkɔtane ye nye.

Hebrifoɛ 11:25

na mmom ohurole kyɛ ɔne Nyameɛ mmenia bekonwu amaneɛ tra kyɛ okoli fɛɛ wɔ bɔne nu mmerɛ kãa bie ɔ.

Hebrifoɛ 7:2

na Abraham buli ye nningyein mukoraa nu buru tuli ko mane ye. Sɔ Mɛlkisɛdɛke he dumaa ne bo kyire “Tenenee hene,” yeɛ ɔnate kyɛ ɔte Salem hene ne ati, ye bo sa kyire “asomdwee hene.”

1 Petro 5:9

Ɛ́mɔgyina pindinn wɔ gyidie nu bɛ́fa bési ye ate, ofikyɛ ɛmɔse kyɛ bafa sɔ amaneɛnwunɛ ne bato ɛmɔ aliɛma mɔ bɔ bɛwɔ ewiase amukoraa ɔ so, kyɛ bɛ koso benwu bie.

1 Yohane 2:13

Ngya mɔ, mekyerɛ he mebrɛ ɛmɔ, ofikyɛ ɛmɔse bɔ ahyɛaseɛ ne né ɔwɔ berɛ ne. Mmerandeɛ mɔ, mekyerɛ he mebrɛ ɛmɔ, ofikyɛ ɛmɔali bɔnefoɛ ne so ngonim. Ngwadaa mɔ koso, mekyerɛ he mebrɛ ɛmɔ, ofikyɛ ɛmɔse Baba ne.

1 Yohane 4:4

Me ngwadaa mɔ, ɛmɔ de ɛmɔte Nyameɛ deɛ na ɛmɔali bɛ so ngonim; ofikyɛ bɔ ɔte ɛmɔ nu ne, ɔte piri tra bɔ ɔwɔ wiase ne.

1 Yohane 5:4

Ofikyɛ nikyee biala bɔ Nyameɛ awo ye ne, odi wiase so ngonim, na yɛ gyidie yeɛ ole ngonim bɔ yɛfa yɛdi wiase so ne.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

Maenbulɛfoɛ 3:2

Ɔyɔle ye sɔ, amaa ɔnate so sɔ aworɛ ndoatoasoɛ mɔ bɔ koɛ ɔttole bɛ le ne, wahyire bɛ koɛhonɛ.