Yohane 16:32 - AHYERƐLƐ KRONGRON

³² Ɛ́mɔtie, mmerɛ ne ɔ́ba, na wanya wawa, bɔ ɛmɔkɔbɔ aya, bɔ ebiala kɔhɔ ye kuro ɔ, na ɛmɔkɔyakyi me ngome nu; nakoso ɔhhale me ngome, ofikyɛ Baba ne boka me so.

Yohane 16:32 Iomraidhean Croise

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 26:31

Yeɛ Yesu sele bɛ kyɛ, “Me nwo kɔyɛ sundidua kɔma ɛmɔ amukoraa ɛnɛ kɔngɔen ye, ofikyɛ bahyerɛ ye kyɛ, ‘Ngopura mmoaenneafoɛ ne, na mmoaen bɔ bɛwɔ kure ne anu ne, bɛkɔbɔ aya.’

Mateo 26:56

Na ɛhe amukoraa asi, amaa ɔnate so bɔ ngɔmhyɛlɛfoɛ nemɔ bahã ye wɔ Ahyerɛlɛ ne anu ne wawa nu.” Yeɛ asuafoɛ nemɔ amukoraati bɛyakyili ye berɛ bɛnwatili.

Marko 14:27

Na Yesu sele bɛ kyɛ, “Ɛmɔ amukoraa ɔkɔyɛ sundidua kɔma ɛmɔ, ofikyɛ bahyerɛ kyɛ, ‘Ngopura mmoaenneafoɛ ne, na mmoaen ne kɔbɔ aya.’

Marko 14:50

Afei asuafoɛ nemɔ amukoraa bɛyakyili ye berɛ bɛnwatili.

Yohane 12:23

Na Yesu buale bɛ kyɛ, “Mmerɛ ne aso kyɛ bɛhyɛ sona Awa ne animnyam ɔ.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Yohane 16:25

“Mahã ɛhemɔ mahyire ɛmɔ wɔ anyandera nu; na mmerɛ bie ɔ́ba bɔ mengodwudwo ngohyire ɛmɔ wɔ anyandera nu ko ɔ, na mmom ngɔhã Baba ne nwo dwirɛ ngohyire ɛmɔ pefee.

Yohane 16:31

Na Yesu bisale bɛ kyɛ, “Afei de, ɛmɔde bedi?

Yohane 19:27

Yeɛ osele suaniɛ ne koso kyɛ, “Nea, wɔ maame ɛhe!” Na ofi sɔ mmerɛ ne, suaniɛ ne fale ye hɔle ye bɔbɔ ye awuro.

Yohane 20:10

Na afei asuafoɛ nemɔ besa bɛhɔle b’awuro.

Yohane 4:21

Yesu sele ye kyɛ, “Mmobraa, de me di, mmerɛ ne ɔ́ba bɔ nna bokaa he aso anaa Yerusalem yeɛ ɛmɔkɔsɔne Baba ne ɔ.

Yohane 4:23

Na mmerɛ ne ɔ́ba, na wawa, bɔ bɛ bɔ bɛsɔne nahorɛ nu ne, bɛkɔsɔne Baba ne wɔ sunzum nu ne nahorɛ nu; ofikyɛ sɔ mmenia ne yeɛ Nyameɛ pena kyɛ bɛsɔne ye ɔ.

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Yohane 5:28

Nnɛmɔma ɛhe yɛ ɛmɔ nwanwa, ofikyɛ mmerɛ ne ɔ́ba, bɔ bɛ bɔ bɛwɔ asieleɛ nu amukoraa bɛkɔte ye komvi ɔ,

Yohane 8:16

Sɛ ye po mebua ndɛen a, me ndɛenbualɛ te nahorɛ, ofikyɛ nna me ngome yeɛ mebua ndɛen ɔ, na mmom me ne Baba ne bɔ ɔsomane me ne.

Yohane 8:29

Na bɔ ɔsomane me ne, ɔboka me so; ɔyyakyili me ngome nu, ofikyɛ meyɔ bɔ ɔsɔ ye nye mmerɛ biala.”

Asomafoɛ 21:6

Afei yɛne bɛ lili ngraa, yɛfole ɛlɛen ne anu, na bɛ koso besa bɛhɔle awuro.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.