Yohane 16:3 - AHYERƐLƐ KRONGRON

³ Na bɛkɔfa sɔ dwirɛ nemɔ bekoli ɛmɔ, ofikyɛ bennya bennwuni Baba ne anaa me.

Yohane 16:3 Iomraidhean Croise

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 15:21

Na ɔnate me dumaa ti bɛkɔfa ɛhemɔ amukoraa bekoli ɛmɔ, ofikyɛ bɛnze bɔ ɔsomane me ne.

Yohane 15:23

Bɔ ɔpɔ me ne, ɔpɔ me Baba ne koso.

Yohane 17:25

O Baba Teneneeniɛ, wiase annwu wɔ, na me de, manwu wɔ; na ɛhemɔ banwu kyɛ wɔ yeɛ ɛsomane me ɔ.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Yohane 8:19

Yeɛ bebisale ye kyɛ, “Nisua yeɛ wɔ Baba wɔ ɔ?” Na Yesu buale kyɛ, “Ɛmɔnze me, yeɛ ɛmɔnze me Baba ne koso; na sɛ ɛmɔse me a, ahaa ɛmɔkonwu me Baba koso.”

Yohane 8:55

Nakoso ɛmɔnze ye, na me de, mese ye. Na sɛ mekã kyɛ menze ye a, ngɔyɛ ngondomboniɛ kyɛ ɛmɔ ala. Nakoso mese ye, na medi ye dwirɛ so.

Asomafoɛ 3:17

“Na kekesaala ye de, aliɛmaa mɔ, mese kyɛ ɛselɛ bɔ ɛmɔnze ti yeɛ ɛmɔ ne ɛmɔ mbanyi mɔ bɛfale sɔ lili ye ɔ.

1 Korintofoɛ 2:8

Ewiase atumifoɛ biala ande nworɛ he abo, ofikyɛ sɛ bɛtele ye bo a, ahaa bammɔ animnyam Hene ne mmeamudua nu.

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

1 Yohane 2:23

Sona biala bɔ onne Baa ne ndo nu ne, onne Baba ne koso ndo nu, nakoso ebiala bɔ ode Baa ne to nu ne, ode Baba ne koso to nu.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.

1 Yohane 4:8

Nakoso ebiala bɔ olle ɔdɔ ne, ɔnze Nyameɛ, ofikyɛ Nyameɛ te ɔdɔ.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.