Yohane 16:27 - AHYERƐLƐ KRONGRON

²⁷ ɔnate kyɛ Baba ne bɔbɔ okuro ɛmɔ dwirɛ, ofikyɛ ɛmɔkuro me dwirɛ, na ɛmɔale bali kyɛ Baba ne berɛ yeɛ mvi mmale ɔ.

Yohane 16:27 Iomraidhean Croise

Sefania 3:17

AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Yohane 14:21

Na sona bɔ ole m’ahyɛdeɛ ná odi so nen, ye yeɛ okuro me dwirɛ ɔ; na bɔ okuro me dwirɛ nen, me Baba kohuro ye dwirɛ, ngohuro ye dwirɛ, na ngɔye me nwo ali ngohyire ye.”

Yohane 14:23

Na Yesu buale ye kyɛ, “Sɛ ebie kuro me dwirɛ a, okoli me dwirɛ so, na me Baba kohuro ye dwirɛ, na yɛkɔwa ye berɛ, ná yaayɔ yɛ atenaleɛ wɔ ye berɛ.

Yohane 16:30

Afei de, yanwu kyɛ ɛse nningyein amukoraa, na enhia kyɛ ebie kobisa wɔ dwirɛ ɔ. Na ɛhe maa yɛde yɛdi kyɛ efi Nyameɛ berɛ yeɛ ɛwale ɔ.”

Yohane 17:23

Nwɔ bɛ nu, na ɛwɔ me nu, na bali mu wɔ koyɛlɛ nu; na ɔnate so wiase konwu kyɛ wɔ yeɛ asoma me ɔ, na ekuro bɛ dwirɛ kyɛbɔ ekuro me dwirɛ ne.

Yohane 2:11

Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.

Yohane 3:13

Ebiala nne berɛ bɔ wafo wahɔ nyameɛso ɔ, sana bɔ ofi nyameɛso odwu wale ne, Sona Awa ne [bɔ ɔwɔ nyameɛso ne.]

Yohane 7:29

Me de, mese ye, ofikyɛ mvi ye berɛ, na ye yeɛ ɔsomane me ɔ.”

Yohane 8:42

Yeɛ Yesu buale bɛ kyɛ, “Sɛ ɛmɔ Baba ole Nyameɛ a, ahaa ɛmɔkohuro me dwirɛ, ofikyɛ Nyameɛ nu yeɛ mvi mmale ɔ. Mamva me bɔbɔ me tumi so yeɛ mmale ɔ, na ye yeɛ ɔsomane me ɔ.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

1 Korintofoɛ 15:47

Bele nnɛterɛ yeɛ bɛbɔle sona bɔ oli moa ne ɔ, ofi nnɛterɛ nu. Sona bɔ ɔtɔ so nyɔ ne ole Awurade bɔ ofi nyameɛso ne.

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

Ɛfesofoɛ 6:24

Bɛ bɔ befi b’ahone nu bekuro y’Awurade Yesu Kristo dwirɛ amukoraa ne, adom ɔyɛ bɛ deɛ.

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

Hebrifoɛ 12:6

Ofikyɛ, bɔ Awurade kuro ye dwirɛ ne yeɛ ɔtea ye ɔ, na baa biala bɔ ode ye to nu ne yeɛ otwi ye nyunu ɔ.”

1 Petro 1:8

Ye yeɛ ɛmɔnnwuni ye, nakoso ɛmɔkuro ye dwirɛ; ɔwɔ nu kyɛ kekesaala ye de ɛmɔnnwu ye, nakoso ɛmɔde ye bedi, na ɛmɔanya anigye bɔ olle kabea bɔ animnyam wɔ nu ɔ,

1 Yohane 4:19

Yɛkuro ye dwirɛ, ofikyɛ ye yeɛ olili moa hurole yɛ dwirɛ ɔ.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.

Nyekyire 3:9

Tie, ngɔfa bɛ bɔ befi Satan nyianu sua nu, bɔ bɛnwa bɛte Yudafoɛ, nakoso bɛtte sɔ ne, na mmom bɛpɛ ngondombo ne ngɔma wɔ. Tie, ngɔmaa bɛkɔɔkoto wɔ gya bo, ná banwu kyɛ mekuro wɔ dwirɛ.