Yohane 16:25 - AHYERƐLƐ KRONGRON

²⁵ “Mahã ɛhemɔ mahyire ɛmɔ wɔ anyandera nu; na mmerɛ bie ɔ́ba bɔ mengodwudwo ngohyire ɛmɔ wɔ anyandera nu ko ɔ, na mmom ngɔhã Baba ne nwo dwirɛ ngohyire ɛmɔ pefee.

Yohane 16:25 Iomraidhean Croise

Edwein 49:4

Ngɔyɛ asoɛ konn ngotie anyandera, ngɔbɔ sangoo ngɔpena m’anyandera nwo ndeaseɛ.

Edwein 78:2

Ngobukye me noa ngobu anyandera. Ngɔhã tete dwirɛ bɔ ye bo telɛ yɛ se ɔ,

Anyandera 1:6

amaa ɔnate so bate anyandera ne nworɛ dwirɛ bo, nworɛfoɛ dwirɛ ne b’anyandera bo.

Hesekiel 20:49

Yeɛ nzele kyɛ, “Yieee, AWURADE Nyameɛ! Bɛkekã bɛfa me nwo kyɛ, ‘Aso nna anyandera nu yeɛ odwudwo e?’ ”

Marko 4:13

Afei Yesu bisale bɛ kyɛ, “Aso ɛmɔnde anyandera he bo? Nzaade ɔkɔyɛ sɛɛ né ɛmɔate anyandera ne mukoraa bo?

Marko 4:34

Anyandera ngome nu yeɛ odwudwo hyirele bɛ ɔ, nakoso sɛ né ɔka ye ne ye asuafoɛ nemɔ ngome de a, okyirekyire bɛ ye mukoraa bo.

Marko 8:32

Ɔhane sɔ dwirɛ ne pefee. Na Petro fale Yesu hɔle ahameɛ, na ɔhyɛle ye bo ohwili ye nyunu.

Yohane 10:24

Yeɛ Yudafoɛ nemɔ bɛɛpɛle ye nwo beyiale, na bebisale ye kyɛ, “Ɛkɔmaa yɛkɔnwondɛ yɛkoodwu kyinzu? Sɛ wɔ ole Kristo ne a, kã ye pefee kyire yɛ.”

Yohane 10:6

Yesu buli bɛ anyandera he, nakoso bande edwirɛ bɔ ɔhã hyirele bɛ ne abo.”

Yohane 16:12

“Edwirɛ pee wɔ berɛ bɔ nne ye mekã mekyire ɛmɔ ɔ, nakoso ɛmɔngɔhora ngɔsɔ nu kekesaala ye.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Yohane 16:32

Ɛ́mɔtie, mmerɛ ne ɔ́ba, na wanya wawa, bɔ ɛmɔkɔbɔ aya, bɔ ebiala kɔhɔ ye kuro ɔ, na ɛmɔkɔyakyi me ngome nu; nakoso ɔhhale me ngome, ofikyɛ Baba ne boka me so.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.