Yohane 16:20 - AHYERƐLƐ KRONGRON

²⁰ Nahorɛ nu paa, mekã mekyire ɛmɔ kyɛ: Ɛmɔkosu ná ɛmɔabɔ awuye, nakoso wiase koli ahurusi; na ɛmɔ de, ɛmɔ wora kɔbɔ, nakoso ɛmɔ aworabɔlɛ ne kɔkakyi ahurusililɛ.

Yohane 16:20 Iomraidhean Croise

YOB NWOMAA NE 20:5

kyɛ bɔnefoɛ ngɔsoɛ ɔndena berɛ ngyɛ, ɔne kyɛ sona bɔ ɔnze Nyameɛ ne, ye anigye te tikaape bie ɔ?

Edwein 30:11

Ama m’aworabɔlɛlilɛ wakakyi ahurusililɛ; aye me nwo ɛsɛen tena ne agua berɛ, na afa anigye ahera me,

Edwein 30:5

Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

Edwein 97:11

Kanea ta ma teneneefoɛ, yeɛ bɛ bɔ b’ahone nu te ne koso, benya anigye.

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Yeremia 31:25

Ofikyɛ ɛkra bɔ wayɛ hodwoo ne, ngɔmaa okole ye nwome, yeɛ ɛkra bɔ ye wora abɔ ne, ngɔmaa ye ko koyi.”

Mateo 21:38

Nakoso mmerɛ bɔ hwɛsofoɛ nemɔ nwuni ɔwa ne nen, besisele bɛ nwo kyɛ, ‘Bɔ odi ye bia ne ɛhe; ɛmɔbra ma yɛhu ye, ná yɛfa ye agyapadeɛ ne!’

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Marko 14:72

Na berɛ ne ala, akɔ bɔle ye pɛen nyɔ so. Na Petro kayele edwirɛ bɔ Yesu hã hyirele ye ne, kyɛ, “Kyɛ akɔ bɔ pɛen nyɔ ne, né ahã ye pɛen nza kyɛ ɛnze me.” Na otikyele esuɛ nu.

Marko 16:10

Na ye koso ɔɔbɔle bɛ bɔ bɛ ne Yesu natele, bɔ né bɛ wora abɔ ná besu ne amaneɛ.

Luka 22:45

Na odwɔsole fili mbaeɛbɔlɛ ne anu nen, ɔwale asuafoɛ nemɔ nwo dɔ, na onwuni kyɛ aworabɔlɛ amaa balafelafe.

Luka 22:62

Na Petro fite hɔle oosuni hahii.

Luka 23:27

Na maen ne anu mmenia pee lili ye si, yeɛ mmrasua bɔ bɛbɔ awuye ná besu ye ɔ koso.

Luka 24:17

Na obisale bɛ kyɛ, “Nzikyɛ yeɛ ɛmɔdi ye nwo ngɔmɔ bɛkɔ bɔ ɛmɔ wora abɔ ye?”

Luka 24:21

Nakoso yɛ de, ahaa né yɛ nye la so kyɛ ye yeɛ ɔbaale Yisrael ɔ. Na ɛhemɔ amukoraa asi ne, edwirɛ hemɔ sili ɔ ɛlɛsa ɛhe.

Luka 6:21

“Ɛmɔ bɔ ɛhɔen ku ɛmɔ kekesaala ye ɔ, ɛmɔanya saleɛ, ofikyɛ bɛkɔma ɛmɔ ko koyi. “Ɛmɔ bɔ ɛmɔsu kekesaala ye ɔ, ɛmɔanya saleɛ, ofikyɛ ɛmɔkɔsere.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 16:6

Na ɔnate kyɛ mahã ɛhemɔ mahyire ɛmɔ ne ati, aworabɔlɛ ayi ɛmɔ ahone nu tɛkyɛ.

Yohane 20:20

Na ɔhane sɔ nen, ɔfale ye sa nu ne ye mvenu hyirele bɛ. Na asuafoɛ nemɔ nwuni Awurade nen, bɛ nye gyele.

Asomafoɛ 5:41

Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Romanfoɛ 5:11

Nna ɛhe angome, na mmom yɛnate y’Awurade Yesu Kristo bɔ wasiesie yɛ ne Nyameɛ afia ne so yanya anika wɔ Nyameɛ nu.

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

1 Tɛsalonikafoɛ 1:6

Ɛmɔsuasuane yɛ ne Awurade; na ɔwɔ nu kyɛ ɛmɔnwuni amaneɛ pee wɔ edwirɛ ne anwo de, nakoso ɛmɔfale anika bɔ ofi Sunzum Krongron berɛ bɛsɔle nu.

Yakobo 1:2

Nniɛma mɔ, sɛ nzɔhwɛ ahoroɔ toto ɛmɔ a, ɛ́mɔbu ye kyɛ ɔte anigye nikye;

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,

Nyekyire 11:10

Na bɛ bɔ bɛte aseɛ so ɔ bekoli bɛ nwo ahurusi, na bɛ nye kɔgye ná bamanemane bɛ nwo akyɛdeɛ; ofikyɛ sɔ ngɔmhyɛlɛfoɛ nyɔ nemɔ bɛfale ɛhawo bɛtole bɛ bɔ bɛte aseɛ so ɔ so.

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’