Yohane 16:17 - AHYERƐLƐ KRONGRON

¹⁷ Yeɛ ye asuafoɛ ne anu biemɔ bisabisale bɛ nwo kyɛ, “Edwirɛ he bɔ ɔkã kyire yɛ ye, ye bo kyire sɛɛ: ‘Waha kãa bie né ɛmɔnnwu me ko; yeɛ afei waha kãa bie ɛmɔkonwu me’; yeɛ ‘Ofikyɛ mékɔ Baba ne berɛ’?

Yohane 16:17 Iomraidhean Croise

Marko 9:10

Yiti bɛmane edwirɛ ne hale bɛ ti anu, na bebisabisale bɛ nwo kyɛ: “Awufoɛ nu dwɔsolɛ ne, ye bo kyire sɛɛ koraa?”

Marko 9:32

Na bande sɔ dwirɛ ne abo, nakoso né besuro kyɛ bekobisa ye ɔ.

Luka 18:34

Nakoso bɛ de, bande edwirɛ hemɔ nu biala bo; né ɔbo b’adwene so, na bɔ ɔhane ne po, né bɛnze nikye horɛ.

Luka 9:45

Nakoso bande sɔ dwirɛ ne abo. Né bafa ye ndeaseɛ ne bafea bɛ kyɛbɔ bengonwu ye ɔ; na né besuro kyɛ bekobisa ye sɔ dwirɛ ne ɔ.

Yohane 12:16

Na ye asuafoɛ nemɔ bande ɛhemɔ bo sɔ mmerɛ ne; nakoso nziɛ ye bɔ Nyameɛ hyɛle Yesu animnyam ne, yeɛ afei bɛkayele kyɛ bahyerɛ ɛhemɔ bafa ye nwo, na bayɔ sɔ bama ye koso.

Yohane 14:22

Yeɛ Yudase (nna Yiskariote ɔ) bisale ye kyɛ, “Awurade, nzu ati yeɛ ɛbaaye wɔ nwo ali ekyire yɛ, na ɛnye ngyire wiase ɔ?”

Yohane 14:5

Yeɛ Tɔmase bisale ye kyɛ, “Awurade, yɛnze nekaa bɔ ɛ́kɔ ɔ; na ɔkɔyɛ sɛɛ né yahora yanwu atee ne?”

Yohane 16:1

“Mahã ɛhemɔ mahyire ɛmɔ, kyɛbɔ ɛmɔngɔyakyi ɛmɔ gyidie nu ɔ.

Yohane 16:16

“Waha kãa bie né ɛmɔnnwu me ko; yeɛ afei waha kãa bie ɛmɔkonwu me. [Ofikyɛ mékɔ Baba ne berɛ].”

Yohane 16:18

Yeɛ bɛhane kyɛ: Ye bo kyire sɛɛ, bɔ ɔnwa, ‘Waha kãa bie’ ɔ? Yɛnde bɔ ɔkã ne bo.”

Yohane 16:19

Yeɛ Yesu nwuni kyɛ bɛpena kyɛ bebisa ye dwirɛ, yiti osele bɛ kyɛ, “Ɛhe nwo yeɛ ɛmɔbisabisa ɛmɔ nwo ye, kyɛ mahã kyɛ: ‘Waha kãa bie né ɛmɔnnwu me ko; yeɛ afei waha kãa bie ɛmɔkonwu me.’

Yohane 16:5

“Afei de, mékɔ bɔ ɔsomane me ne berɛ; nakoso ɛmɔ nu biala mmisa me kyɛ, ‘Nisua yeɛ ɛ́kɔ ɔ?’