Yohane 16:10 - AHYERƐLƐ KRONGRON

¹⁰ tenenee nwo, ofikyɛ mékɔ me Baba ne berɛ, na ɛmɔngonwu me ko;

Yohane 16:10 Iomraidhean Croise

Yesaya 42:21

Na ɔnate kyɛ AWURADE tengyɛ ne ati, ye nye gyele kyɛ ɔkɔpagya mmeraa ne maa okonya animnyam ɔ.

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Yohane 16:28

Baba ne berɛ yeɛ mvi mmale wiase ɔ; na afei de, méfi wiase, na mékɔ Baba ne berɛ.”

Yohane 16:5

“Afei de, mékɔ bɔ ɔsomane me ne berɛ; nakoso ɛmɔ nu biala mmisa me kyɛ, ‘Nisua yeɛ ɛ́kɔ ɔ?’

Yohane 3:14

Na kyɛbɔ Mose mane ewoo ne aso wɔ ɛserɛ so nen, sɔ ala yeɛ odi kyɛ bɛma Sona Awa ne aso ɔ,

Yohane 5:32

Ebie wɔ berɛ bɔ odi me nwo adanzeɛ ɔ, na mese kyɛ adanzeɛ bɔ odi fa me nwo ne ɔte nahorɛ.

Yohane 7:33

Yeɛ Yesu sele bɛ kyɛ, “Me ne ɛmɔ kɔtena mmerɛ kãa bie, na afei ngɔhɔ bɔ ɔsomane me ne berɛ.

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Asomafoɛ 3:14

Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Romanfoɛ 1:17

Ofikyɛ nzɛmba ne kyire kyɛ, Nyameɛ siesie kuro sona ne ye afia maa bɛyɛ ko: na ɛhe gyi gyidie ngome so. Kyɛbɔ bahyerɛ kyɛ, “Teneneeniɛ de, ɔnate ye gyidie so yeɛ okonya ngoa ɔ.”

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 5:5

Na yɛ de, gyidie yeɛ yɛfa yɛnate Sunzum ne so bɔ yanya tenenee nwo anyelasoɛ ɔ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,