Yohane 15:7 - AHYERƐLƐ KRONGRON

⁷ Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Yohane 15:7 Iomraidhean Croise

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

YOB NWOMAA NE 22:26

ye de ekonya anika wɔ Tuminiɛ ne anu, ná ama wɔ nye so anea Nyameɛ.

YOB NWOMAA NE 23:12

Ye mmeraa bɔ wahyɛ ne, mmmuli so, na ye noa dwirɛ ne, ye nwo hia me maa mafa masie me ti anu.

Edwein 119:11

Mafa wɔ dwirɛ ne masie me ti anu, amaa ɔnate so manyɔ bɔne mandia wɔ.

Edwein 37:4

Ma wɔ nye gye wɔ AWURADE nu, na ɔkɔma wɔ sa kɔhã bɔ w’ahone bu ɛpena ɔ.

Anyandera 10:24

Bɔ bɔnefoɛ suro ne yeɛ ɔkɔto ye ɔ, nakoso teneneefoɛ de, bɛkɔyɔ bɔ bɛpena ɔ bɛkɔma bɛ.

Anyandera 4:4

me baba tuli me foɛ sele me kyɛ, “Fa me dwirɛ bɔ mekã ne to wɔ ti anu, di me mmeraa dwirɛ so, ná nya ngoa.

Yesaya 58:8

Sɛ ɛyɔ sɔ a, wɔ kanea kopukye kyɛ alehyeleɛ, na w’anwonyerɛsalɛ kɔwa ndɛndɛ. Wɔ tenenee koli wɔ nyunu moa, ná AWURADE animnyam agyina wɔ si.

Yeremia 15:16

Nwuni wɔ dwirɛ ne, na ɔyɛle m’aleɛ, wɔ dwirɛ ne yɛle me anika, na ɔma m’ahone tɔle me kunu ofikyɛ wɔ, AWURADE Asafo Nyameɛ, wɔ dumaa yeɛ ɔla me so ɔ.

Mateo 7:7

“Ɛ́mɔbisa, na ɛmɔ sa kɔha ye; ɛmɔpena, na ɛmɔkonwu ye; ɛ́mɔbɔ nu, na bekobukye ɛmɔ.

Yohane 14:13

Na nikyee biala bɔ ɛmɔkɔsrɛ ye me dumaa nu ne, ngɔyɔ, amaa ɔnate so Baba ne anya animnyam wɔ Baa ne nu.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 16:23

Na sɔ kyẽa ne dwu a, ɛmɔngobisa me nikye fee. Nahorɛ nu paa, mekã mekyire ɛmɔ kyɛ: Nikyee biala bɔ ɛmɔkɔsrɛ Baba ne wɔ me dumaa nu ne, ɔkɔfa kɔma ɛmɔ.

Yohane 8:31

Yeɛ Yesu sele Yudafoɛ bɔ belele ye belili ne kyɛ, “Sɛ ɛmɔtira me dwirɛ ne anu a, ye de ɛmɔte m’asuafoɛ amba,

Yohane 8:37

Mese kyɛ ɛmɔte Abraham bosofoɛ, nakoso ɛmɔpena me beku me, ofikyɛ me dwirɛ ne onnya nekaa ndena wɔ ɛmɔ nu.

Galatiafoɛ 4:2

Na ole mmenia bɔ bɛnea ye ne ye agyapadeɛ ne aso kɔpem mmerɛ bɔ ye baba ne ahyehyɛ ato berɛ ne.

Galatiafoɛ 5:16

Bɔ mekã ɛhe: ɛ́mɔnate Sunzum nu, na nnɛma ɛmɔdi anwoɔnaen akɔnnɔ si.

Deuteronomi 6:6

Na mmeraa bɔ méhyehyɛ méma wɔ ɛnɛ ye, maa ɔla w’ahone nwo.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

1 Yohane 2:14

Ngya mɔ, mahyerɛ he mabrɛ ɛmɔ, ofikyɛ ɛmɔse bɔ né ɔwɔ berɛ ahyɛaseɛ ne. Mmerandeɛ mɔ koso mahyerɛ he mabrɛ ɛmɔ, ofikyɛ ɛmɔatindim, Nyameɛ dwirɛ ne te ɛmɔ nu, na ɛmɔali bɔnefoɛ ne so ngonim.

1 Yohane 2:27

Nakoso ɛmɔ de, ngoo bɔ wafa wapopa ɛmɔ ne, ɔte ɛmɔ nu, yiti onhia kyɛ ebie kohyirehyire ɛmɔ ɔ. Na sɔ ngoopalɛ ne ala kyirekyire ɛmɔ nikyee biala, ɔkã nahorɛ, ɔmbɛ ngondombo, na kyɛbɔ wahyirehyire ɛmɔ ne, ɛmɔli so.

1 Yohane 3:22

Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.

1 Yohane 5:14

Na anyelasoɛ bɔ yɛle wɔ ye nu ne ole kyɛ, sɛ yɛbisa nikyee biala kyɛbɔ ye pɛ te a, otie yɛ.