Yohane 15:5 - AHYERƐLƐ KRONGRON

⁵ “Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Yohane 15:5 Iomraidhean Croise

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Hosea 4:8

Me maen, bɔne yeɛ ɔte b’aleɛ ɔ, na b’amumuyɛɛ yeɛ wali bɛ ti ɔ.

Mateo 13:21

nakoso sɔ sona ne ondira ndii, na mmom ɔkora gyina mmerɛ kãa bie. Na sɛ ɔnate edwirɛ ne ati amaneɛnwunɛ anaa ndaneanyeɛ ba ye so a, berɛ ne ala ɔkakyi sundidua ma ye.

Yohane 12:24

Nahorɛ nu paa, mekã mekyire ɛmɔ kyɛ, sɛ aburoo baa ko wandɔ aseɛnwo wanwu a, ɔte komapɛ ne ala; nakoso sɛ owu a, osu mmaa pee.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 5:19

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ.

Yohane 9:33

Sɛ nna Nyameɛ berɛ yeɛ biaa he ofi a, ahaa ɔngɔhora ngɔyɔ huu.”

Asomafoɛ 4:12

Na ngoalelɛ nne ebiala nu; ofikyɛ dumaa biala nne nyameɛso bo bɔ bafa bama wɔ adasa mmaa nu bɔ ɔsɛ kyɛ bede yɛ ngoa wɔ nu ɔ.”

Romanfoɛ 12:5

sɔ ala yeɛ yɛ koso bɔ yɛsone ne, yɛte nipadua komapɛ wɔ Kristo nu ɔ. Ebiala te sonongo de, nakoso yɛ mukoraa yatoatoa nu yayɛ nipadua ko.

Romanfoɛ 6:22

Na kekesaala ye de, bale ɛmɔ bafi bɔne nu amaa ɛmɔayɛ Nyameɛ ngoaa. Ye so mvasoɛ bɔ ɛmɔnya ole kyɛ, ɛmɔayɛ krongron bɔ ye ayieleɛ ole daa ngoa.

Romanfoɛ 7:4

Aliɛmaa mɔ, sɔ ala yeɛ ɛmɔ koso bɛnate Kristo nipadua so ɛmɔawu bama mmeraa ne ɔ, bɔ ɔnate so ebiala te obiɛngo deɛ ɔ, bɔ ɛmɔte bɔ batingye ye bafi ewue nu ne deɛ ɔ, kyɛbɔ ɔkɔyɛ bɔ yɛkosu mmaa yɛkɔma Nyameɛ ɔ.

1 Korintofoɛ 10:16

Yɛda Awurade Adidie kulie bɔ bayira so ne nwo ase a, aso ongyire kyɛ yɛne Kristo mogya ne afa abiɛngoɛ anaa? Paanoo bɔ yɛbubu ne, aso ongyire kyɛ yɛne Kristo nipadua ne afa abiɛngoɛ anaa?

1 Korintofoɛ 12:12

Kyɛbɔ nipadua ne te ko, nakoso ole akwaa ahoroɔ; ná ɔwɔ nu kyɛ akwaa nemɔ sone de, nakoso bɛbɔ nu bɛyɛ nipadua ko ne, sɔ ala yeɛ Kristo te ɔ.

1 Korintofoɛ 12:27

Ɛmɔte Kristo nipadua ne, na ɛmɔ nu ko biala te ye akwaa ne bie.

2 Korintofoɛ 13:8

Ofikyɛ yɛngɔhora yɛngɔyɔ nikye fee ngotia nahorɛ ne, na mmom kyɛ yɛkogyina yɛkɔma nahorɛ ne yeɛ yɛkɔhora kɔyɔ ɔ.

2 Korintofoɛ 9:10

Na Nyameɛ bɔ ɔma kuaniɛ bakaammaa maa odua ná ɔma ye aleɛ maa odi ne, ɔkɔma ɛmɔ mmakaammaa mmorosoɛ ná wama ɛmɔ adɔeɛ ne asu mmaa pee.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Ɛfesofoɛ 5:9

ofikyɛ kanea mmaa bɔ osu ne, ɔda ali wɔ bra paa ne tenenee ne nahorɛ amukoraa nu;

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.

Filipifoɛ 4:17

Nna kyɛ mepena akyɛdeɛ hɔ ɔ; na mmom mepena mmaa bɔ ɔkɔma ɛmɔ ngondaa ne kɔsone ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

Kolosefoɛ 1:6

bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.

1 Petro 2:4

Ɛmɔbra ye berɛ, ngoa nyɔboɛ ne, bɔ mmenia apo ye, nakoso Nyameɛ de, waneanea nu waye ye, bɔ odi mu ne;

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.