Yohane 15:4 - AHYERƐLƐ KRONGRON

⁴ Ɛ́mɔtena me nu, ná me koso ndena ɛmɔ nu. Na kyɛbɔ mmaen bɔbɔ ngora nzu mmaa, bɔ sana ɔtena bobe ne anu nen, sɔ ala yeɛ ɛmɔ koso ɛmɔngɔhora ɔ, sana ɛmɔtena me nu.

Yohane 15:4 Iomraidhean Croise

Edwein Nu Dwein 8:5

Brasua beni yeɛ ofi ɛserɛ so dɔ ɔba e, bɔ wate wamata ye kurofoɛ ye? Ndingyele wɔ wɔ aprɛ ne abo, nekaa bɔ wɔ maame wole wɔ ne, bɔ ɔwole wɔ ne, berɛ yeɛ aworɛ hane ye ɔ.

Hosea 14:8

Ao Efraim, nzikyɛ yeɛ me ne mmosoen yɛle ye yɛyɔ bieku ɔ? Me yeɛ mema ye mmuayɛɛ, ná menea ye so ɔ; nde kyɛ ɛframmire monɛ bɔ ye nyaa mboro ɔ, na me so yeɛ enya wɔ mmakaammaa ɔ.

Mateo 12:33

“Ɛ́mɔma bakaa ne ɔ́yɛ bakaa paa, ná ye mma ne ayɛ mmaa paa. Anaakyɛ, ɛ́mɔma bakaa ne ɔ́yɛ bakaa tɛɛ, ná ye mma ne ayɛ mmaa tɛɛ; ofikyɛ bakaa ye mma yeɛ bɛfa benwu ye baka sue ɔ.

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Yohane 14:20

Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ.

Yohane 17:23

Nwɔ bɛ nu, na ɛwɔ me nu, na bali mu wɔ koyɛlɛ nu; na ɔnate so wiase konwu kyɛ wɔ yeɛ asoma me ɔ, na ekuro bɛ dwirɛ kyɛbɔ ekuro me dwirɛ ne.

Yohane 6:56

Ebiala bɔ odi me nwonaen ná ɔno me mogya nen, ɔte me nu, na me koso nde ye nu.

Yohane 8:31

Yeɛ Yesu sele Yudafoɛ bɔ belele ye belili ne kyɛ, “Sɛ ɛmɔtira me dwirɛ ne anu a, ye de ɛmɔte m’asuafoɛ amba,

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

2 Korintofoɛ 13:5

Ɛ́mɔneanea ɛmɔ ahone nu bɛnea sɛ ɛmɔtɛtira gyidie ne anu a. Ɛ́mɔso ɛmɔ nwo bɛnea. Aso ɛmɔnnwu ye kyɛ Yesu Kristo te ɛmɔ nu anaa? Sana ebiaa né ɛmɔabɔ ase wɔ gyidie nu.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Ɛfesofoɛ 3:17

amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 2:6

Yiti kyɛbɔ ɛmɔale Awurade Kristo Yesu bato nu nen, ɛmɔhɔ so bɛnate wɔ yde nu.

1 Tɛsalonikafoɛ 3:5

Ɔnate ɛhe ati, mmerɛ bɔ né mesɔ nu a ɔnzɔ ne, nzomane ye kyɛ ɔɔnea kyɛbɔ ɛmɔ gyidie si gyi ɔ; na mesuro kyɛ ebiaa né abɔnzam aso ɛmɔ anea ama y’adwuma bɔ yɛyɔle ne wayɛ mbaen.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.

1 Yohane 2:6

Na ebiala bɔ ɔnwa ɔne Nyameɛ atira abiɛngoɛ nen, odi kyɛ ye koso ɔbɔ ye bra kyɛbɔ Kristo bɔle ye deɛ ne.

2 Yohane 1:9

Sona biala bɔ onni Kristo ngyerɛkyerɛ so ná mmom ɔfa bie bata ye nwo ne, ɔnze Nyameɛ. Nakoso sona biala bɔ odi Kristo ngyerɛkyerɛ so ne, ɔse Baba ne ne Baa ne.