Yohane 15:25 - AHYERƐLƐ KRONGRON

²⁵ Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

Yohane 15:25 Iomraidhean Croise

Edwein 109:3

Bafa ɛpɔen dwirɛ babɔ me nwo mborɔkaa bayia, na bɛfa ngondii bɛtoa me mbaen.

Edwein 35:19

Pɔfoɛ ngondombofoɛ nemɔ, nnɛmaa bedi me nwo ahurusi, bɛ bɔ bɛpɔ me mbaen ne, nnɛmaa bebu me kangyerɛ.

Edwein 69:4

Bɛ bɔ bɛpɔ me mbaen ne, bɛsone bɛtra me ti nwiaa; bɛ bɔ bɛpena me beku me, bɔ bɛ yeɛ bɛpɛ edwirɛ bɛto me so ne, bɛ nwo yɛ se. Nikyee bɔ nnwuale ɔ, aso odi kyɛ mefa bie mesi ye gya nu?

Edwein 7:4

sɛ mafa bɔne matua sona bɔ ɔne me te asomdwee nu kerɛ, anaakyɛ mafa atee tɛɛ so mafa me pɔfoɛ nningyein a,

Mateo 10:8

Ɛ́mɔsa ayarefoɛ anwonyerɛ, ɛ́mɔtingye awufoɛ, ɛ́mɔma kwatafoɛ nwo fi, ná ɛ́mɔtu sunzummɔne mɔ. Ɛmɔnyane ye mbaen, yiti ɛ́mɔfa bɛ́ma mbaen.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 10:34

Na Yesu buale bɛ kyɛ, “Aso nna ɛmɔ mmeraa ne anu yeɛ bahyerɛ ye kyɛ, ‘Ngane kyɛ, ɛmɔte nyameɛ mɔ?’

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Yohane 19:36

Na ɛhemɔ sili mane Ahyerɛlɛ ne wale nu kyɛ, “Ye bowue ko po, bengobu nu.”

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Romanfoɛ 3:24

Nyameɛ nate ye adom bɔ ɔfa kyɛ mbaen ne aso obua bɛ be wɔ Kristo Yesu nu ngoalelɛ ne anu.

2 Korintofoɛ 11:7

Na sɛ mmrɛle me nwo ase maa ɛmɔnyane ngɔsoɛ wɔ mmerɛ bɔ ngane Nyameɛ nzɛmba ne ngyirele ɛmɔ, bɔ mammisa ɛmɔ berɛ hwee ne a, né bɔne beni yeɛ mayɔ ɔ?

Galatiafoɛ 2:21

Membo Nyameɛ adom ne, ofikyɛ sɛ tenenee nate mmeraa ne aso yeɛ ɔba a, né nzaade Kristo awu mbaen!

2 Tɛsalonika 3:8

yeɛ yanni ebiala aleɛ bɔ yandua ye kerɛ ɔ. Na mmom yɛyerele yɛ nwo yɛyɔle adwuma eyia ne kɔngɔen, kyɛbɔ ɔkɔyɛ bɔ yɛngɔyɛ ɛmɔ nu biala so tɔsom ɔ.

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.