Yohane 15:22 - AHYERƐLƐ KRONGRON

²² Sɛ mamma manga dwirɛ ne mangyire bɛ a, ahaa benni bɔne nwo foɛ; na afei de, belle bɛ bɔne nwo nyeanoɛ biala.

Yohane 15:22 Iomraidhean Croise

Hesekiel 2:5

Na sɛ betie oo, sɛ bandie oo, (ofikyɛ bɛte abusua bɔ bayɛ lɔen ɔ), kyɛbɔ ɔkɔyɛ biala, bekonwu kyɛ ngɔmhyɛlɛniɛ wɔ bɛ nu.

Luka 12:46

ye de, sɔ akoaa ne mene kɔwa kyẽa bɔ okoofu ye nu ɔ, ɔne dɔnhwere bɔ ɔnze ɔ nu; na ɔkɔpepɛ akoaa ne nu ahuronzi ahuronzi, ná wamaa wanya asobrakyeɛfoɛ bɛ kyɛfa ne bie.

Yohane 12:48

Sona bɔ ɔpo me ná onne me dwirɛ ndo nu ne, ole bɔ obua ye ndɛen ɔ; na me noa dwirɛ ne ala yeɛ okobua ye ndɛen wɔ ayieleɛ kyẽa ne ɔ.

Yohane 15:23

Bɔ ɔpɔ me ne, ɔpɔ me Baba ne koso.

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Yohane 16:9

Bɔne nwo, ofikyɛ benne me benni;

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

Yohane 9:41

Na Yesu buale bɛ kyɛ, “Sɛ ɛmɔte anyesiniwaafoɛ a, ahaa ɛmɔnni bɔne nwo fɔ; nakoso ɔnate kyɛ ɛmɔnwa ‘Yɛnwu nikye’ ne ati, ɛmɔ bɔne mata ɛmɔ.”

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Romanfoɛ 1:20

Ofi mmerɛ bɔ Nyameɛ bɔle wiase ɔ, ye tumi afebɔɔ ne ɔne ye Nyameɛ sue te nikyee bɔ yɛmva yɛ nye nnwu ye ɔ, nakoso waye bɛ ali wahyire yɛ wɔ ye abɔdeɛ nu, yiti belle nyeanoɛ biala.

Romanfoɛ 2:1

Yiti kuro sona, wɔ ole nwa bɔ ebua ebiɛngo ndɛen ɔ? Sɛ ebua ebiɛngo ndɛen a, né ebua wɔ bɔbɔ wɔ nwo ndɛen. Ofikyɛ wɔ bɔ ebua sɔ ndɛen ne, wɔ koso ɛyɔ sɔ yɔleɛ ne bie.

Yakobo 4:17

Yiti ebiala bɔ ɔse paa bɔ ɔsɛ kyɛ ɔyɔ, nakoso ɔnyɔ ne, ɔte bɔne ma ye.

1 Petro 2:16

Ɛ́mɔbɔ ɛmɔ bra kyɛ fawɔnwodifoɛ, nakoso nnɛma ɛmɔfa ɛmɔ fawɔnwodi ne bɛkatakata ɛmɔ nyunu bɛyɔ bɔ ɔte bɔne ɔ; na mmom ɛ́mɔbɔ ɛmɔ bra kyɛ Nyameɛ ngoaa.