Yohane 15:20 - AHYERƐLƐ KRONGRON

²⁰ Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 15:20 Iomraidhean Croise

Hesekiel 3:7

Nakoso Yisrael awuro ama de, bengotie wɔ, ofikyɛ benguro kyɛ bekotie me; ofikyɛ Yisrael awuro ama amukoraa bɛte aniammɔwoho ne asoserɛ.

Mateo 10:24

“Suaniɛ ndra ye kyerɛkyerɛniɛ, yeɛ akoaa ndra ye mene.

Marko 10:39

Na bebuale ye kyɛ, “Yɛkɔhora.” Na Yesu sele bɛ kyɛ, “Amba, ɛmɔkɔno kulie bɔ meno ne (noa), yeɛ bɛkɔfa asubɔlɛ bɔ bɛfa bɛbɔ me ne bɛkɔbɔ ɛmɔ de,

Luka 2:34

Na Simeon yirayirale bɛ, na osele oni Maria kyɛ, “Nea, akwadaa he yeɛ bafa ye basie berɛ bama mmenia pee b’asefinɛ ne bɛ dwɔsolɛ wɔ Yisrael ɔ, ɔne sɛngyerɛnneɛ bɔ mmenia bekodwudwo bekotia

Luka 6:40

Suaniɛ ndra ye kyerɛkyerɛniɛ, nakoso ebiala bɔ bahyire ye nikyee maa wanwu ye yé ne, ɔkɔyɛ kyɛ ye kyerɛkyerɛniɛ ala.

Yohane 10:31

Yeɛ Yudafoɛ nemɔ sesale nyɔboɛ bieku kyɛ bɛkwaafa bɛboro ye.

Yohane 11:57

Né asɔfo mbanyi ne Farasiifoɛ nemɔ bahyɛ mmeraa kyɛ, sɛ ebie se nekaa bɔ ɔwɔ a, ohyire bɛ ma bɛɛhye ye.

Yohane 13:16

Nahorɛ nu paa, mekã mekyire ɛmɔ kyɛ, akoaa ndra ye mene; yeɛ somafoɛ ndra bɔ ɔsomane ye ne.

Yohane 5:16

Na ɔnate sɔ ati, Yudafoɛ nemɔ tanene Yesu nye, ofikyɛ ɔyɔle sɔ afofikyẽa.

Yohane 7:32

Farasiifoɛ mɔ bɛtele kyɛ ɛlɔen ne bɛ́yɛ nwuhunwuhu bɛkekã sɔ dwirɛ ne bɛfa ye nwo. Yiti Farasiifoɛ ne asɔfo mbanyi mɔ betuli asomvoɛ mɔ kyɛ bɛhɔ bɛɛhye ye.

Yohane 8:51

Nahorɛ nu paa, mekã mekyire ɛmɔ kyɛ, sɛ ebie di me dwirɛ so a, ongowu le.”

Yohane 8:52

Yeɛ Yudafoɛ nemɔ sele ye kyɛ, “Afei yeɛ yanwu kyɛ ele sunzummɔne ɔ. Abraham wuli, yeɛ ngɔmhyɛlɛfoɛ nemɔ koso bewuwuli ɔ, nakoso wɔ de ɛnwa, ‘Sɛ ebie di me dwirɛ so a, ongowu le.’

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

1 Korintofoɛ 4:12

na yɛyere yɛ nwo yɛfa yɛ bɔbɔ yɛ sa yɛyɔ adwuma. Bɛbɔ yɛ alapaa a, yɛyirayira bɛ. Bɛtane yɛ nye a, yɛgyina pindinn.

2 Korintofoɛ 4:9

Bɛtane yɛ nye, nakoso Nyameɛ de ɔppole yɛ; babɔ yɛ bɛto ase, nakoso bɛsɛkyele yɛ.

1 Tɛsalonikafoɛ 2:15

Bɛ yeɛ behuni Awurade Yesu ne bɛ bɔbɔ bɛ ngɔmhyɛlɛfoɛ nemɔ ɔ, ná bɛtanene yɛ nye maa yɛnwatili ɔ. Bɛnzɔ Nyameɛ nye, yeɛ bɛko betia mmenia amukoraa.

2 Timoteo 3:12

Amba, sona biala bɔ ɔpena kyɛ ɔbɔ bra bɔ ɔsɔ anyeɛ wɔ Kristo Yesu nu ne, bɛkɔtane ye nye.

1 Samuel 8:7

na AWURADE buale Samuel kyɛ, “Edwirɛ biala bɔ maen ne fa to wɔ nyunu ne, de to nu, ofikyɛ nna wɔ yeɛ bapo wɔ ɔ, na mmom me yeɛ bapo me kyɛ nnde bɛ so hene ko ɔ.