Yohane 15:18 - AHYERƐLƐ KRONGRON

¹⁸ “Sɛ wiase pɔ ɛmɔ a, ɛ́mɔnwu ye kyɛ wali moa wapɔ me koraka yeɛ ɔpɔ ɛmɔ ɔ.

Yohane 15:18 Iomraidhean Croise

1 Ahemvo 22:8

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo, sana musue nwo ngɔm ala yeɛ ɔhyɛ fa me nwo ɔ.” Na Yehosafate sele kyɛ, “Nana, nnɛkã ye sɔ.”

Anyandera 29:27

Amumuyɛɛniɛ te teneneeniɛ akyiwadeɛ, yeɛ sona bɔ ye bra te sannwuu ne, ɔte bɔnefoɛ akyiwadeɛ.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Mateo 5:11

“Ɛmɔanya saleɛ, wɔ mmerɛ bɔ ɔnate me ti mmenia pepɛ ɛmɔ nzoaa, bɛtane ɛmɔ nye, ná bɛpɛ ngondombo bɛkeka edwirɛ tɛɛ ahoroɔ bɛto ɛmɔ so ɔ.

Marko 13:13

Ɔnate me dumaa ti, mmenia mukoraa bɛkɔpɔ ɛmɔ, nakoso bɔ okotindim koodwu ayieleɛ nen, ye yeɛ bekole ye ngoa ɔ.

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Yohane 16:1

“Mahã ɛhemɔ mahyire ɛmɔ, kyɛbɔ ɛmɔngɔyakyi ɛmɔ gyidie nu ɔ.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 3:20

Ɔnate kyɛ, ebiala bɔ ɔyɔ bɔne ne, okyi kanea ne, na ɔmma kanea ne nwo, kyɛbɔ ɔkɔyɛ bɔ ye yɔleɛ ngɔla ali ɔ.

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.

1 Yohane 3:13

Aliɛmaa mɔ, sɛ ewiase pɔ ɛmɔ a, nnɛmɔma ɔyɛ ɛmɔ nwanwa.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.