Yohane 15:11 - AHYERƐLƐ KRONGRON

¹¹ “Mahã ɛhemɔ mahyire ɛmɔ, kyɛbɔ m’anika kɔtena ɛmɔ nu, ná ɛmɔ anika wali mu ɔ.

Yohane 15:11 Iomraidhean Croise

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 62:4

Bɛngɔfrɛ wɔ “Bɔ bapo ye ɔ” ko, yeɛ bɛngɔfrɛ w’aseɛ ne “Kurofoen” ko; na mmom bɛkɔfrɛ wɔ Hefesiba, yeɛ w’aseɛ ne koso bɛkɔfrɛ ye Bewela; ofikyɛ ɛla AWURADE ahone nwo, na okogya w’aseɛ ne.

Yeremia 32:41

Amba, ngoli bɛ nwo ahurusi kyɛ ngɔyɛ bɛ paa ɔ, na ngɔfa m’ahone amukoraa ne me kra amukoraa ngolua bɛ maa bɛ bo kotimu wɔ aseɛ he aso.

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Sefania 3:17

AWURADE wɔ Nyameɛ ne ɔte wɔ nu, ɔte katakyie ne defoɛ, ɔkɔfa anigye koli wɔ nwo ahurusi, ɔkɔfa ye ɔdɔ ne kɔyɛ wɔ foforɛ, na ɔkɔfa anigye kɔto wɔ nwo dwein.

Luka 15:23

ná ɛ́mɔfa nandwie akrɔngrɔma bɔ walɔ ɔ bɛbra beehu ye, ná ɛ́mɔma yɛgye yɛ nye;

Luka 15:32

Ɔsɛ kyɛ yɛgye yɛ nye ná yɛmaa ɔyɛ yɛ fɛ ɔ, ofikyɛ eliɛma ye, owuli, na watingye; ominini, na manwu ye.’ ”

Luka 15:5

Na sɛ onwu ye a, ɔfa ye to ye kɔme anwo, na odi ahurusi.

Luka 15:9

Na sɛ onwu ye a, ɔfrɛfrɛ ye mmango mɔ ne ye mandamu berɛ ama maa bɛbayia, na ose kyɛ, ‘Ɛ́mɔma yɛgye yɛ nye, ofikyɛ manwu sikadwetɛ bɔ ominini ne.’

Yohane 16:24

Na ɔbaadwu ɛnɛ ye, ɛmɔnnya bebbisale nikyee biala wɔ me dumaa nu. Ɛ́mɔbisa, na ɛmɔ sa kɔhã ye, amaa ɔnate so ɛmɔ anigye ne wali mu.”

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Yohane 17:13

Na afei de, méba wɔ berɛ, na mekã edwirɛ hemɔ wɔ wiase wa, amaa ɔnate so banya m’anigye maa wali mu wɔ bɛ nu.

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

Romanfoɛ 15:13

Na mesrɛ kyɛ, anyelasoɛ Nyameɛ ne ɔfa gyidie nu anigye ne asomdwee amukoraa owura ɛmɔ nu tɛkyɛ, amaa ɔnate Sunzum Krongron tumi so ɛmɔanya anyelasoɛ mmorosoɛ.

2 Korintofoɛ 1:24

Nna kyɛ yɛhyɛ ɛmɔ so wɔ ɛmɔ gyidie nwo ɔ, na mmom kyɛbɔ ɛmɔ nye kɔha ti yeɛ yɛ ne ɛmɔ yɔ adwuma yɛbɔ nu ɔ, ofikyɛ ɛmɔ gyidie gyi berɛ pindinn.

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

Filipifoɛ 1:25

Mesi pi wɔ ɛhe anwo, na mese kyɛ ngɔhɔ so ngɔtena ase, na me ne ɛmɔ amukoraa yɛkɔhɔ so yɛkɔtena, ná ɛmɔanya ngɔsoɛ ne gyidie nu anigye,

1 Tɛsalonikafoɛ 5:16

Ɛ́mɔli ahurusi daa;

1 Petro 1:8

Ye yeɛ ɛmɔnnwuni ye, nakoso ɛmɔkuro ye dwirɛ; ɔwɔ nu kyɛ kekesaala ye de ɛmɔnnwu ye, nakoso ɛmɔde ye bedi, na ɛmɔanya anigye bɔ olle kabea bɔ animnyam wɔ nu ɔ,

1 Yohane 1:4

Na yɛ́kyerɛ ɛhe yɛbrɛ ɛmɔ, amaa ɛmɔ anigye ne wali mu.

2 Yohane 1:12

Edwirɛ pee wɔ berɛ bɔ ɔsɛ kyɛ mekã mekyire ɛmɔ ɔ, nakoso mengɔfa krataa ne pɛn mengɔhyerɛ mengɔbrɛ ɛmɔ; na mmom mepena kyɛ mebafua ɛmɔ nwo ná manwu ɛmɔ nyunu maa yali ngɔmɔ, amaa y’anigye ali mu.