Yohane 15:1 - AHYERƐLƐ KRONGRON

¹ “Me ole nahorɛ bobe ne, yeɛ me Baba ole kuaniɛ ne.

Yohane 15:1 Iomraidhean Croise

Edwein Nu Dwein 7:12

Maa yɛpɛ aleɛ yɛhɔ bobe boo nemɔ anu yɛɛnea sɛ bobe nemɔ bafefɛ a, sɛ bapakye nyerɛen a, sɛ akengaa nemɔ babɔ nyerɛen a. Dɔ yeɛ ngohyire me hurolɛ ngohyire wɔ ɔ.

Yesaya 4:2

Sɔ kyẽa ne, AWURADE (bakaa) mmaen ne kɔyɛ nyemene, okonya animnyam, na aseɛ ne aso mmakaammaa kɔyɛ anwohoahoa nikyee ne animnyam kɔma Yisrael mmenia bɔ banya bɛ ti badidi nu ne.

Yesaya 60:21

Wɔ mmenia ne amukoraa bɛkɔyɛ teneneefoɛ, bɛkɔfa aseɛ ne bɛkɔyɛ bɛ deɛ afebɔɔ, bɛte bakaa bɔ malua bɔ wafefɛ ɔ, me sa noa adwuma bɔ ɔhyɛ me animnyam ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yeremia 12:10

Neafoɛ pee basɛkye me bobe boo ne, bahwi bafa me bue deɛ so, me bue deɛ nyemenenyemene ne, basɛkye ye pasaa.

Yeremia 2:21

Nakoso nnuale wɔ kyɛ bobe paa, bɔ baneanea nu baye bafi ye mma paa nu ɔ. Na ɔyɛle sɛɛ bɔ akakyi bobe bakaa mbaen bɔ mvasoɛ nne wɔ so ɔ?

Hesekiel 19:10

Ahaa né wɔ maame te kyɛ bobe turo nu bobe bɔ balua ye nzue noa ɔ; na nzue somaa bɔ onyane ye ne ati, onyane mmaen pee, na osuli mmaa.

Hosea 10:1

Yisrael te bobe paa bɔ osu ye mma ɔ; kyɛbɔ ye mma begu so bɛsone ne, sɔ ala yeɛ ye afɔleɛ mmokyea begu so bɛsone ɔ; kyɛbɔ ye aseɛ ne osi yɛ nyemene ne, sɔ ala yeɛ bɛyɛle b’amoen mɔ nyemenenyemene ɔ.

Sakaria 3:8

Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.

Mateo 15:13

Na obuale kyɛ, “Bakaa biala bɔ nna me Baba bɔ ɔwɔ nyameɛso ne yeɛ oluale nen, bekotutu ye bo.

Mateo 20:1

“Nyameɛso ahennie ne, ɔte kyɛ eboo mene bie bɔ ngyerɛmɔ tutuutu ɔhɔle kyɛ ɔkwaabɔ adwumayɔlɛfoɛ paa maa bɛyɔ adwuma wɔ ye bobe boo nu ɔ.

Mateo 21:33

“Ɛ́mɔtie anyandera bieku! Eboo mene bie yɔle bobe boo. Olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Marko 12:1

Na Yesu hyɛle ye bo dwudwo hyirele bɛ wɔ anyandera nu kyɛ, “Biaa bie yɔle bobe boo, olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Luka 13:6

Na Yesu buli bɛ anyandera he: “Né biaa bie walua borɔdoma bakaa wɔ ye bondua boo nu. Ɔhɔle kyɛ ɔkwaapena so mmaa ne bie, na wannya bie.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 15:2

Me nwo mmaen biala bɔ onzu mmaa ne, ɔpɛ to; na mmaen biala bɔ osu mmaa ne de, ɔye ye nwo, amaa ɔnate so wasu mmaa pee.

Yohane 6:32

Yeɛ Yesu sele bɛ kyɛ, “Nahorɛ nu paa, mekã mekyire ɛmɔ kyɛ, nna Mose yeɛ ɔmane ɛmɔ paanoo bɔ ofi nyameɛso ne ɔ; na mmom me Baba yeɛ ɔma ɛmɔ nahorɛ paanoo bɔ ofi nyameɛso ɔ.

Yohane 6:55

Ɔnate kyɛ me nwonaen te aleɛ amba, yeɛ me mogya te anonneɛ amba.

Romanfoɛ 11:17

Babubu olive bakaa bɔ bahyɛ da balua ne mmaen ne bie bagua, na bafa ɛmɔ, Amaenmaensofoɛ bɔ ɛmɔte kyɛ olive bakaa bɔ ogyi ye buro ne basi bɛ gya nu, amaa ɛmɔ koso ɛmɔanya kyɛfa wɔ bakaa ne ndii ne ye nzue nu.

1 Korintofoɛ 3:9

Ofikyɛ yɛ de, yɛte Nyameɛ adwumayɔlɛfoɛ, bɔ yɛ ne ye bɔ nu yɛyɔ adwuma ɔ; na ɛmɔte ye boo, Nyameɛ sua.

1 Yohane 2:8

Nakoso ɛnea a, ahyɛdeɛ foforɛ yeɛ mekyerɛ mebrɛ ɛmɔ ɔ, na ɔte nahorɛ wɔ ye nu ne ɛmɔ nu; ofikyɛ awosii ne gu so ɔpɛ nu kɔ, na nahorɛ kanea ne ata dada.