Yohane 14:9 - AHYERƐLƐ KRONGRON

⁹ Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

Yohane 14:9 Iomraidhean Croise

Gyenesise 26:9

Yiti Abimɛlɛke frɛle Yisake, na osele ye kyɛ, “Nea, ɛye ɔ, nzu ati yeɛ ɛnwa ‘nniɛma brasua’ ahɔ ɔ?” Na Yisake buale ye kyɛ, “Ofikyɛ né medwene kyɛ annea a ɔnate ye ti bekohu me.”

Edwein 11:1

AWURADE nu yeɛ me wora wura ɔ. Ɔyɛ sɛɛ bɔ ɛmɔse me kra kyɛ, “Nwati kyɛ anomaa kɔ wɔ bokaa so;

Yeremia 2:23

Ɔyɛ sɛɛ ati bɔ ɛkã kyɛ, “Me nwo ogguale fiɛ, mangɔanni Baal mɔ asi” ɔ? Nea w’atee bɔ ɔla bɔnza ne anu ne; nwu nikyee bɔ yeɛ ayɔ ɔ, afupɔngɔ akrɔngrɔma bɔ ye nwo yɛ nyera bɔ ohuru pepe ɔ,

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Luka 12:56

Nyaatwomfoɛ! Ɛmɔkora bekyire aseɛ ne ewienu nzesãleɛ bo, nakoso nzu ati yeɛ ɛmɔngora bengyire mmerɛ ye anu bo ɔ?

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 10:30

Me ne Baba ne yɛte ko.”

Yohane 12:45

Na ebiala bɔ onwu me ne, onwu bɔ ɔsomane me ne.

Yohane 14:20

Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ.

Yohane 14:7

Sɛ ɛmɔse me a, ahaa ɛmɔanwu me Baba ne koso; na ofi ɛnɛ bɔ ɔkɔ ɔ, ɛmɔse ye, na ɛmɔanwu ye.”

Yohane 8:19

Yeɛ bebisale ye kyɛ, “Nisua yeɛ wɔ Baba wɔ ɔ?” Na Yesu buale kyɛ, “Ɛmɔnze me, yeɛ ɛmɔnze me Baba ne koso; na sɛ ɛmɔse me a, ahaa ɛmɔkonwu me Baba koso.”

1 Korintofoɛ 15:12

Na sɛ yɛkã Kristo nwo nzɛmba kyɛ wadwɔso wafi ewue nu a, ɔwale ye sɛ bɔ ɛmɔ nu biemɔ kã kyɛ awufoɛ ewutingyelɛ nne berɛ ɔ?

Filipifoɛ 2:6

Ye bɔ ɔwɔ Nyameɛ tebea nu de, nakoso wambere wanyɛ ye nwo kyɛ ɔne Nyameɛ bɛte pɛ ɔ,

Kolosefoɛ 1:15

Ye yeɛ ɔte Nyameɛ bɔ anyeɛ onnwu ye ne ye sɛso ɔ, abɔdeɛ amukoraa nu farebae.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.