Yohane 14:5 - AHYERƐLƐ KRONGRON

⁵ Yeɛ Tɔmase bisale ye kyɛ, “Awurade, yɛnze nekaa bɔ ɛ́kɔ ɔ; na ɔkɔyɛ sɛɛ né yahora yanwu atee ne?”

Yohane 14:5 Iomraidhean Croise

Mateo 10:3

Filipo ne Batolomeo; Tɔmase ne Mateo bɔ ɔte ɛtoɔdidelɛniɛ ne; Yakobo bɔ ye baba ole Alfeo ne, yeɛ Tadeo;

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Luka 24:25

Afei osele bɛ kyɛ, “O ɛmɔ ndeaseɛ wɔ dede, ɛmɔ adwene te nganga kyɛ ɛmɔkole bɔ ngɔmhyɛlɛfoɛ nemɔ bahã ne amukoraa bekoli ɔ!

Yohane 11:16

Yeɛ Tɔmase bɔ bɛfrɛ ye Ata ne, osele ye mmango asuafoɛ nemɔ kyɛ, “Ɛmɔma yɛ koso yɛhɔ bie, ná yɛne ye yɛɛwu!”

Yohane 14:4

Nekaa bɔ mekɔ ne, [ɛmɔse, na] ɛmɔse atee ne.”

Yohane 15:12

M’ahyɛdeɛ ne ɛhe: kyɛ ɛmɔhurohuro ɛmɔ nwo dwirɛ, kyɛbɔ mahuro ɛmɔ dwirɛ ne.

Yohane 16:5

“Afei de, mékɔ bɔ ɔsomane me ne berɛ; nakoso ɛmɔ nu biala mmisa me kyɛ, ‘Nisua yeɛ ɛ́kɔ ɔ?’