Yohane 14:28 - AHYERƐLƐ KRONGRON

²⁸ Ɛmɔtele kyɛ nga ngyirele ɛmɔ kyɛ, ‘Mékɔ, na ngosa ngɔwa ɛmɔ berɛ.’ Sɛ ɛmɔkuro me dwirɛ a, ahaa ɔkɔyɛ ɛmɔ fɛ kyɛ mékɔ Baba ne berɛ ɔ, ofikyɛ Baba ne odi mu tra me.

Yohane 14:28 Iomraidhean Croise

Edwein 68:18

Ɛfole bokaa tendenn ne, elili bɛ bɔ ahye bɛ nnure ne nyunu wɔ mmerɛ bɔ elele akyɛdeɛ bɔ ɔte mmenia ɔ, bɔ ɛlɔenyɛlɛfoɛ po bɛboka so ɔ amaa ɔnate so AWURADE Nyameɛ watena bɛ nu.

Edwein 68:9

Ao Nyameɛ, ɛmane esue tɔle pee guale nekaa biala; ɛfa siesiele w’agyapadeɛ mmerɛ bɔ ɔyɛle basaa ne.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Mateo 12:18

“Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Yohane 10:38

Na sɛ meyɔ, ná ɛmɔnne me benni po a, nnwumaa ne de odi kyɛ ɛmɔde bedi, amaa ɔnate so ɛmɔanwu ye, ná ɛmɔale bali kyɛ Baba ne ɔte me nu, na me koso nde Baba ne nu.”

Yohane 13:16

Nahorɛ nu paa, mekã mekyire ɛmɔ kyɛ, akoaa ndra ye mene; yeɛ somafoɛ ndra bɔ ɔsomane ye ne.

Yohane 14:12

Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Yohane 14:18

“Mengɔyakyi ɛmɔ nyisiaafoɛ, ngɔwa ɛmɔ berɛ.

Yohane 16:7

Nakoso mekã nahorɛ mekyire ɛmɔ; ɔte paa ma ɛmɔ kyɛ mékɔ ɔ, ofikyɛ sɛ mangɔ a, Aworakyekyerɛniɛ ne ngɔwa ɛmɔ berɛ; na sɛ mekɔ a, ngɔsoma ye maa ɔkɔwa ɛmɔ berɛ.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Yohane 5:18

Na ɔnate sɔ ati, Yudafoɛ mɔ mane bɛ nye borole kyɛ bekohu ye ɔ, kyɛ, nna afofikyẽa ngome yeɛ wabu so ɔ; na mmom ɔnwa Nyameɛ te ye bɔbɔ ye Baba, bɔ ɔfa kyire kyɛ ɔne Nyameɛ bɛte pɛ ɔ.

Yohane 7:33

Yeɛ Yesu sele bɛ kyɛ, “Me ne ɛmɔ kɔtena mmerɛ kãa bie, na afei ngɔhɔ bɔ ɔsomane me ne berɛ.

1 Korintofoɛ 11:3

Na mepena kyɛ ɛmɔte ye bo kyɛ Kristo te bienzua biala mene, brasua koso ohu te ye mene, na Nyameɛ koso te Kristo mene.

1 Petro 1:8

Ye yeɛ ɛmɔnnwuni ye, nakoso ɛmɔkuro ye dwirɛ; ɔwɔ nu kyɛ kekesaala ye de ɛmɔnnwu ye, nakoso ɛmɔde ye bedi, na ɛmɔanya anigye bɔ olle kabea bɔ animnyam wɔ nu ɔ,

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”