Yohane 14:20 - AHYERƐLƐ KRONGRON

²⁰ Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ.

Yohane 14:20 Iomraidhean Croise

Yohane 10:38

Na sɛ meyɔ, ná ɛmɔnne me benni po a, nnwumaa ne de odi kyɛ ɛmɔde bedi, amaa ɔnate so ɛmɔanwu ye, ná ɛmɔale bali kyɛ Baba ne ɔte me nu, na me koso nde Baba ne nu.”

Yohane 14:10

Aso enne nni kyɛ nwɔ Baba ne nu, ná Baba ne koso ɔwɔ me nu ɔ? Edwirɛ mɔ bɔ mekã mekyire ɛmɔ ne, nna me bɔbɔ me tumi yeɛ mefa mekã ɔ; na mmom Baba ne bɔ ɔte me nu ne, ye yeɛ ɔyɔ ye nnwumaa ne ɔ.

Yohane 14:11

Ɛmɔle me beli kyɛ nwɔ Baba ne nu, ná Baba ne koso ɔwɔ me nu ɔ; na sɛ ɔtte sɔ de a, nzaade nnwumaa ne ala ti ɛmɔle me beli!

Yohane 16:23

Na sɔ kyẽa ne dwu a, ɛmɔngobisa me nikye fee. Nahorɛ nu paa, mekã mekyire ɛmɔ kyɛ: Nikyee biala bɔ ɛmɔkɔsrɛ Baba ne wɔ me dumaa nu ne, ɔkɔfa kɔma ɛmɔ.

Yohane 16:26

Na sɔ kyẽa ne yeɛ ɛmɔkɔsrɛ wɔ me dumaa nu ɔ; na menga mengyire ɛmɔ kyɛ ngɔfa ngɔto Baba ne nyunu ngɔma ɛmɔ;

Yohane 17:11

Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Yohane 17:26

Mala wɔ dumaa ali mahyire bɛ, na ngɔla ye ali ngohyire; amaa ɔnate so ehurolɛ bɔ ekuro me dwirɛ ne watena bɛ nu, ná me koso matena bɛ nu.”

Yohane 17:7

Afei de, bɛse kyɛ nningyein amukoraa bɔ afa ama me ne, befi wɔ berɛ;

Yohane 6:56

Ebiala bɔ odi me nwonaen ná ɔno me mogya nen, ɔte me nu, na me koso nde ye nu.

Romanfoɛ 16:7

Ɛ́mɔbisa Androniko ne Yunia bɔ bɛte m’abusuafoɛ ne mmiɛngo kukunufoɛ ɔ ahye bɛ́ma me; bele dumaa wɔ asomafoɛ nemɔ nu, na belili moa bɛyɛle Akristofoɛ bɛyakyili me.

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 12:2

Mese ebie wɔ Kristo nu, na afoɛ buru ne nna ɛhe yeɛ behwimini ye bɛhɔle nyameɛso bɔ ɔtɔ so nza ne aso ɔ. Sɛ ɛhe sili wɔ anwoɔnaen nu oo, sɛ nna anwoɔnaen nu ahɔ oo, me de menze, Nyameɛ yeɛ ɔse ɔ.

2 Korintofoɛ 13:5

Ɛ́mɔneanea ɛmɔ ahone nu bɛnea sɛ ɛmɔtɛtira gyidie ne anu a. Ɛ́mɔso ɛmɔ nwo bɛnea. Aso ɛmɔnnwu ye kyɛ Yesu Kristo te ɛmɔ nu anaa? Sana ebiaa né ɛmɔabɔ ase wɔ gyidie nu.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

2 Korintofoɛ 5:19

kyɛ, Nyameɛ nate Kristo so wahwe ewiase wabata ye nwo, wammu bɛ bɔne nwo ngondaa wandia bɛ, na wafa ngabonu he nwo dawurebɔlɛ wawura yɛ sa.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Kolosefoɛ 1:19

Na ɔsɔle Nyameɛ nye kyɛ ye sue ne amukoraa kɔtena Kristo nu ɔ.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 2:9

Ofikyɛ ye nu yeɛ Nyameɛ sue mumua ne amukoraa ɔte ɔ wɔ nipadua nu ɔ.

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.