Yohane 14:12 - AHYERƐLƐ KRONGRON

¹² Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Yohane 14:12 Iomraidhean Croise

Mateo 21:21

Yeɛ Yesu buale bɛ kyɛ, “Nahorɛ nu, mekã mekyire ɛmɔ kyɛ, sɛ ɛmɔle gyidie ná ɛmɔanzu aporowaa a, nna bɔ wato borɔdoma bakaa he angome yeɛ ɛmɔkɔyɔ ɔ, na mmom, sɛ ye po ɛmɔkã bekyire bokaa he kyɛ, ‘Tutu kɔtɔ ɛpo nu’ a, ɔkɔyɛ berɛ.

Marko 11:13

Na onwuni borɔdoma bakaa bie bɔ nyaa wɔ so ɔ wɔ dedeede, na ɔhɔle kyɛ ɔkwaanea sɛ okonya ye mma ne bie wɔ so a. Nakoso odwuli ye ye nwo berɛ nen, wannwu nikye fee kyɛ nyaa ngome, ofikyɛ né borɔdoma sulɛ onnya oddwuli.

Marko 16:17

Na bɛ bɔ bede bedi ne, nzɛngyerɛnneɛ hemɔ yeɛ okoli bɛ si ɔ: Me dumaa nu, bekotutu sunzummɔne mɔ; bɛkɔhã edwudwolɛ foforɛ mɔ;

Yohane 14:28

Ɛmɔtele kyɛ nga ngyirele ɛmɔ kyɛ, ‘Mékɔ, na ngosa ngɔwa ɛmɔ berɛ.’ Sɛ ɛmɔkuro me dwirɛ a, ahaa ɔkɔyɛ ɛmɔ fɛ kyɛ mékɔ Baba ne berɛ ɔ, ofikyɛ Baba ne odi mu tra me.

Yohane 16:7

Nakoso mekã nahorɛ mekyire ɛmɔ; ɔte paa ma ɛmɔ kyɛ mékɔ ɔ, ofikyɛ sɛ mangɔ a, Aworakyekyerɛniɛ ne ngɔwa ɛmɔ berɛ; na sɛ mekɔ a, ngɔsoma ye maa ɔkɔwa ɛmɔ berɛ.

Yohane 4:37

Ofikyɛ, edwirɛ ne ɔte nahorɛ kyɛ, ‘Ebie dua, né ebie wora wabu.’

Yohane 5:20

Ofikyɛ Baba ne kuro Baa ne dwirɛ, na okyire ye nikyee biala bɔ ye bɔbɔ ɔyɔ ɔ; na okohyire ye nnwumaa mbiri mbiri bɔ bɛtra ɛhemɔ ɔ, ná wayɛ ɛmɔ nwanwa.

Yohane 7:33

Yeɛ Yesu sele bɛ kyɛ, “Me ne ɛmɔ kɔtena mmerɛ kãa bie, na afei ngɔhɔ bɔ ɔsomane me ne berɛ.

Yohane 7:39

Na ɛhe de, ɔhã fale Sunzum ne nwo, bɔ mmenia bɔ bede ye bedi ne bɛbaanya ye ɔ; né Sunzum ne onnya ɔwwale, ofikyɛ né bennya bɛhhyɛle Yesu animnyam.

Asomafoɛ 10:46

ɔnate kyɛ bɛtele kyɛ mmenia ne akakyi bɛ temverema bɛ́kã dwudwolɛ foforɛ ná bɛkamvo Nyameɛ ɔ. Na Petro hane kyɛ,

Asomafoɛ 16:18

Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.

Asomafoɛ 19:12

na bɛfale ye nwo duku anaa ye ataadeɛ ngatanyunu po beguale ayarefoɛ so maa bɛtele apɔ, na sunzummɔne tutu fili bɛ nu.

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 4:16

bebisale bɛ nwo kyɛ, “Mmenia hemɔ koraa, nzikyɛ yeɛ yɛ́fa yɛ́yɛ bɛ ɔ? Ofikyɛ wala ali wɔ ebiala bɔ ɔwɔ Yerusalem ɔ nyunu kyɛ ɔnate bɛ so yeɛ sɛngyerɛnneɛ sonongo he wasi ɔ, na yɛngɔhora yɛngɔkata so.

Asomafoɛ 4:33

Asomafoɛ ne fale tumi so lili Awurade Yesu wutingyelɛ ne nwo adanzeɛ, na Nyameɛ hwiele adom pee guale bɛ mukoraa so.

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Asomafoɛ 5:15

Na ɔnate bɔ né asomafoɛ nemɔ bɛyɔ ne ati, mmenia soale ayarefoɛ bɛwale dwaaso, na bɛfale bɛ beguale mba ne bɛen so, kyɛbɔ ɔkɔyɛ ná Petro pɛ nu a, ye wawoɛ kɔtɔ bɛ nu bie so ɔ.

Asomafoɛ 6:7

Nyameɛ dwirɛ ne hɔle so trɛle; agyidifoɛ bɔ bɛwɔ Yerusalem yɛle pee; asa koso Yuda asɔfo pee bɛɛbokale agyidifoɛ nemɔ aso.

Asomafoɛ 8:7

ofikyɛ sunzummɔne mɔ teateane nu serɛserɛ betutu befili mmeni pee nu, na mmubuafoɛ ne mbakye pee benyane ayaresa.

Asomafoɛ 9:34

Na Petro sele ye kyɛ, “Yinea, Yesu Kristo ama wɔ nwo asa; dwɔso na bobɔ wɔ bɛen ne.” Na berɛ ne ala Yinea dwɔsole.

Asomafoɛ 9:40

Na Petro mane bɛ mukoraa befitele, oguale ndwerɛ bɔle mbaeɛ, ɔkakyili ye nye hɔle efuin ne anwo na ɔhane kyɛ, “Tabita, dwɔso!” Ɔtetele ye nye, na onwuni Petro nen, odwɔsole tenane berɛ.

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.