Yohane 14:1 - AHYERƐLƐ KRONGRON

¹ “Nnɛmɔma ɛmɔ wora bɔ! Ɛmɔ de, ɛmɔle Nyameɛ beli, ná ɛmɔle me koso beli.

Yohane 14:1 Iomraidhean Croise

Edwein 43:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu e? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 77:10

Yeɛ menwa, “Sɔ dwirɛ ne yeɛ ɔyɛ me yea ɔ, nakoso ngɔkaye afoɛ mɔ bɔ Anwuro Anwuroniɛ ne ohyirele ye tumi ne.”

Yesaya 26:3

Na sona bɔ ye adwene atindim wɔ wɔ nu ne, ɛbɔ ye nwo waen wɔ asomdwee bɔ odi mu ɔ nu, ofikyɛ ɔfa ye wora wura wɔ nu.

Yeremia 8:18

M’anigye atu amini, aworabɔlɛ atira me, me kra wora abɔ wɔ me nu.

Yohane 11:33

Na Yesu nwuni kyɛ osũ, ná Yudafoɛ bɔ bɛ ne ye wale ne koso besu nen; oguale anwongokoɔ sunzum nu, na ye wora bɔle.

Yohane 12:27

“Afei de, me kra nwo ato; na nzikyɛ dwirɛ koraa yeɛ nga ɔ? Baba, de me fi dɔnhwere he anu! Nakoso, ɛhe ati yeɛ mawa dɔnhwere he anu ɔ.

Yohane 12:44

Yeɛ Yesu teane nu sele kyɛ, “Ebiala bɔ ode me di ne, nna me yeɛ ode me di ɔ, na mmom bɔ ɔsomane me ne yeɛ ode ye di ɔ.

Yohane 13:19

Afei mekã ɛhe mekyire ɛmɔ koraka né wasi, amaa sɛ osi a, ɛmɔale bali kyɛ me ole Ye.

Yohane 16:24

Na ɔbaadwu ɛnɛ ye, ɛmɔnnya bebbisale nikyee biala wɔ me dumaa nu. Ɛ́mɔbisa, na ɛmɔ sa kɔhã ye, amaa ɔnate so ɛmɔ anigye ne wali mu.”

Yohane 16:3

Na bɛkɔfa sɔ dwirɛ nemɔ bekoli ɛmɔ, ofikyɛ bennya bennwuni Baba ne anaa me.

Yohane 16:6

Na ɔnate kyɛ mahã ɛhemɔ mahyire ɛmɔ ne ati, aworabɔlɛ ayi ɛmɔ ahone nu tɛkyɛ.

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Yohane 6:40

Ɛhe ole me Baba n’apɛdeɛ, kyɛ ebiala bɔ onwu Baa ne, ná ode ye di ne, okonya daa ngoa; na ngotingye ye wɔ ayieleɛ kyẽa ne.”

2 Korintofoɛ 2:7

Yiti ohia kyɛ ɛmɔfa ye nwo bɛkyɛ ye ná ɛmɔkyekye ye wora, amaa aworabɔlɛ ne ammu ye kɔme anu.

Ɛfesofoɛ 1:15

Yiti me koso, ofi mmerɛ bɔ ndele ɛmɔ gyidie wɔ Awurade Yesu nu ɔne anwoteefoɛ amukoraa nwo dɔ bɔ ɛmɔle ye ne,

2 Tɛsalonika 2:2

Nyekyire, anaa edwirɛ anaa krataa bɔ ebiemɔ nwa ofi yɛ berɛ ne, bɔ okyire kyɛ Awurade kyẽa ne wawa nen, nnɛmɔma ɛmɔ ti anu yɛ ɛmɔ kesenee ndɛndɛ wɔ ye nwo, anaa nnɛmɔma ɔha ɛmɔ.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.