Yohane 13:8 - AHYERƐLƐ KRONGRON

⁸ Yeɛ Petro sele ye kyɛ, “Mengɔma engonwunzi me gya bo le!” Na Yesu buale ye kyɛ, “Sɛ mannwunzi wɔ gya bo a, né ɛnne me bue nu.”

Yohane 13:8 Iomraidhean Croise

Gyenesise 42:38

Na Yakob sele kyɛ, “Mengɔmaa ɛne mma ne ngɔhɔ, ofikyɛ oliɛma awu maa waha ye ngome. Sɛ edwirɛ tɛɛ bie to ye atee bɔ ɛmɔbaatu ye anu a, ye de ɛmɔkɔmaa nne aworabɔlɛ ngɔfa me gyein ye ngɔhɔ ɛborɔ.”

2 Samuel 20:1

Biaa bie bɔ bɛfrɛ ye Hyeba, bɔ onni dwirɛ ngɔ kuro so ɔ, né ɔwɔ (Gilgal) berɛ bie. Ɔse ole Benyaminniɛ Bikri. Ohuli totorobɛndo teane nu sele kyɛ, “Yɛ ne Dawide yɛlle hwee yɛnyɔ oo! Yese awa ne, yɛlle agyapadeɛ biala wɔ ye nu oo! Yisraelfoɛ ee, ebiala hɔ ye awuro!”

1 Ahemvo 12:16

Yisrael amukoraa nwuni kyɛ Nana Rehoboam wanne bɛ dwirɛ ne wando nu, na besele ye kyɛ, “Kyɛfa beni yeɛ yɛle ye wɔ Dawide nu ɔ? Yɛlle agyapadeɛ biala wɔ Yese awa ne anu. Yisrael ee, ebiala ɔhɔ ye awuro oo! Dawide bosoniɛ, koli wɔ mmenia so hene.” Yiti Yisraelfoɛ besili nu bɛhɔle b’awuro.

Edwein 51:2

Nwunzi me nwo sannwuu fi m’amumuyɛɛ nwo, ná pete me nwo fi me bɔne nwo.

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Yesaya 4:4

mmerɛ bɔ AWURADE kɔfa ndɛenbualɛ sunzum so ne ɛyeralɛ sunzum so kobia Sion mma mmrasua nwo fiɛ kogua, ná wanwunzi mogya bɔ Yerusalem ahã agua ne.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Mateo 16:22

Yeɛ Petro fale ye hɔle ahameɛ, na ɔhyɛle ye bo ohwili ye nyunu kyɛ, “Nyameɛ pa gua, Awurade! Ɛhe ngɔto wɔ le!”

Mateo 21:29

Na obuale kyɛ, ‘Mengɔhɔ.’ Nakoso nziɛ ye ɔsesane ye adwene, na ɔhɔle.

Mateo 26:33

Yeɛ Petro buale ye kyɛ, “Sɛ wɔ nwo kɔyɛ sundidua kɔma bɛ mukoraa po a, me de, ɔngɔyɛ sundidua ngɔma me le!”

Mateo 26:35

Na Petro buale ye kyɛ, “Sɛ ɔba kyɛ me ne wɔ yɛwu po a, mengɔhã kyɛ menze wɔ!” Na sɔ ala yeɛ asuafoɛ nemɔ amukoraa bɛhane ɔ.

Yohane 13:6

Na odwuli Simɔn Petro so nen, Petro sele ye kyɛ, “Awurade, wɔ yeɛ afei enwunzi me gya bo ɔ?”

Yohane 13:9

Na Simɔn Petro sele ye kyɛ, “Awurade, nnɛnwunzi me gya bo ngome, na me sa ne me ti so koso.”

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Asomafoɛ 22:16

Na afei, nzu ati yeɛ ɛyɛ ngyɛkyerɛ ɔ? Dwɔso nya Awurade nu gyidie, na ma bɛbɔ wɔ asu benwunzi wɔ bɔne begua.’

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Ɛfesofoɛ 5:26

kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

Deuteronomi 12:12

Na ɛmɔkoli ahurusi wɔ AWURADE ɛmɔ Nyameɛ nyunu, ɛmɔ ne ɛmɔ mma mmienzua ne mmrasua, ɛmɔ ngoaa ne afaneɛ mɔ, ɔne Lewifoɛ bɔ bɛte ɛmɔ kuro, ofikyɛ bɛ de belle kyɛfa anaa agyapadeɛ biala kyɛbɔ ɛmɔ de ɛmɔanya ye ne.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Kolosefoɛ 2:23

Osoma kyɛ nworɛ wɔ sɔ ngyerɛkyerɛ ne anu, bɔ ɔma sona sɔ ɛsom nu kateree ɔ, bɛpati bɛyɛ anwobrɛaseɛ, na bɛhyɛ nipadua ne anyeborolɛ; nakoso mvasoɛ biala nne ɛhemɔ so, yeɛ bɛngora benzi anwoɔnaen nu akɔnnɔ atee.

Tito 3:5

bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.