Yohane 13:5 - AHYERƐLƐ KRONGRON

⁵ Afei ohwiele nzue guale ayaa nu, na ɔhyɛle ye bo nwunzini asuafoɛ nemɔ bɛ gya bo, na ɔfale nzasrɛ bɔ ɔpɛ ye bo ne nununi bɛ gya bo.

Yohane 13:5 Iomraidhean Croise

Gyenesise 18:4

Maa mmrɛ ɛmɔ nzue kãa, ná ɛmɔnwunzi ɛmɔ gya bo, ná afei ɛmɔale bɛ nwome wɔ bakaa ne abo.

Gyenesise 19:2

Na ɔhane kyɛ, “Me mene mɔ, mesrɛ ɛmɔ ala, ɛmɔbra beesikye ɛmɔ akoaa awuro ɛnɛ kɔngɔen ye, ná ɛmɔnwunzi ɛmɔ gya bo; ná ngyerɛmɔ tutuutu ɛmɔadwɔso bahɔ b’atee.” Na bebuale kyɛ, “Daabi, yɛkɔla dwaaso.”

Gyenesise 43:24

Biaa ne fale Yakob mma nemɔ wale Yosef awuro nen, ɔmane bɛ nzue maa benwunzini bɛ gya bo, na ɔmane b’afunum nemɔ aleɛ.

2 Ahemvo 3:11

Nakoso Yehosafate bisale kyɛ, “Aso AWURADE ngɔmhyɛlɛniɛ nne wa, bɔ yɛkɔhora yɛkɔfa ye so yɛkobisa AWURADE noa dwirɛ ɔ?” Yeɛ Yisrael hene somvoɛ nemɔ nu ko buale kyɛ, “Safate awa Elisa bɔ né ɔte Elia somvoɛ ne, ɔwɔ berɛ.”

Edwein 51:2

Nwunzi me nwo sannwuu fi m’amumuyɛɛ nwo, ná pete me nwo fi me bɔne nwo.

Ɛksadɔso 29:4

Fa Aarɔn ne ye mma mmienzua nemɔ bra ɛtena sua atenaleɛ anoa nu berɛ, ná fa nzue nwunzinwunzi bɛ nwo.

Yesaya 1:16

Ɛ́mɔnwunzi ɛmɔ nwo, ɛ́mɔpete ɛmɔ nwo, ɛ́mɔye ɛmɔ bɔne yɔleɛ ne béfi me nye so, ɛ́mɔyakyi bɔne yɔlɛ.

Hesekiel 36:25

Ngɔfa nzue gyengɔgyengɔ ngɔpete ɛmɔ nwo, na ɛmɔ nwo kɔte kofi ɛmɔ nwo bɔ ɔnde ne amukoraa nwo, na ngɔte ɛmɔ nwo ngofi ɛmɔ mmosoen amukoraa nwo.

Lewitikɔso 14:8

Sona bɔ bate ye nwo ne, odi kyɛ ɔpo ye nningyein, ɔpoa ye nwo nwiaa amu, ɔfa nzue bia, na ye nwo kɔte. Ye si ye, odi kyɛ osa ba asikyeleɛ nu berɛ, nakoso ɔkɔtena ye ɛtena sua asi ɛlɛsoo.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Luka 7:38

na oogyinane Yesu si wɔ ye gya nwo berɛ, osuni, na ɔhyɛle ye bo porole moen guale ye gya so, ɔfale ye ti nwiaa nununi, ɔfele ye gya bo, na ɔfale sakyeɛfona ne popale ye gya bo.

Luka 7:44

Na ɔkakyili ye nye hyirele braa ne dɔ nen, osele Simɔn kyɛ, “Anwu braa he? Mmale w’awuro nen, amma me nzue ma mannwunzi me gya bo, nakoso ye de, ole ye nye moen wanwunzi me gya bo, na wafa ye ti nwiaa wanunu.

Yohane 13:10

Yesu sele ye kyɛ, “Sona bɔ wabia ne, onhia ebialɛ, sana ye gya bo nwunzinɛ, na ye nwo amukoraa afi; na ɛmɔ nwo afi, nakoso nna ɛmɔ amukoraa ɔ.”

Yohane 13:6

Na odwuli Simɔn Petro so nen, Petro sele ye kyɛ, “Awurade, wɔ yeɛ afei enwunzi me gya bo ɔ?”

Yohane 13:8

Yeɛ Petro sele ye kyɛ, “Mengɔma engonwunzi me gya bo le!” Na Yesu buale ye kyɛ, “Sɛ mannwunzi wɔ gya bo a, né ɛnne me bue nu.”

Yohane 19:34

Nakoso asraafoɛ nemɔ anu ko fale pealɛɛ wɔle ye mvenu, na berɛ ne ala, mogya ne nzue fili nu wale.

Asomafoɛ 22:16

Na afei, nzu ati yeɛ ɛyɛ ngyɛkyerɛ ɔ? Dwɔso nya Awurade nu gyidie, na ma bɛbɔ wɔ asu benwunzi wɔ bɔne begua.’

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Ɛfesofoɛ 5:26

kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 5:6

Yesu Kristo yeɛ ole bɔ bafa nzue ne mogya bali ye walɛ ne nwo adanzeɛ ne. Nna nzue ngome, na mmom nzue ne mogya. Na Sunzum ne yeɛ odi adanzeɛ ɔ, ofikyɛ Sunzum ne ole nahorɛ ne.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

Maenbulɛfoɛ 19:21

Yiti ɔfale ye hɔle ye awuro, na ɔmane afunum nemɔ aleɛ. Ɛwɔfoɛ nemɔ nwunzini bɛ gya bo, na bedidili bɛnone.

1 Samuel 25:41

Na berɛ ne ala, ɔbɔle ye ti ase kotole, na ɔhane kyɛ, “Me mene, wɔ somvoɛ te afaneɛ bɔ wasiesie ye nwo kyɛ okonwunzi wɔ somvoɛ mɔ bɛ gya bo ɔ.”