Yohane 13:32 - AHYERƐLƐ KRONGRON

³² Na sɛ Nyameɛ anya ye nu animnyam a, Nyameɛ koso kɔhyɛ ye animnyam wɔ ye bɔbɔ ye nu, na ɔkɔhyɛ ye animnyam ndɛndɛ.

Yohane 13:32 Iomraidhean Croise

Yohane 12:23

Na Yesu buale bɛ kyɛ, “Mmerɛ ne aso kyɛ bɛhyɛ sona Awa ne animnyam ɔ.

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:13

Me ole Alfa ne Omega, ahyɛaseɛ ne ayieleɛ, bɔ oli moa ne bɔ ɔpɛ ye bo ɔ.”

Nyekyire 22:3

Musue nikyee biala nne berɛ ko, na mmom Nyameɛ ne Boaen Ba ne, b’ahennie bia ne yeɛ ɔwɔ berɛ ɔ, na ye ngoaa kɔsɔne ye;

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.