Yohane 13:27 - AHYERƐLƐ KRONGRON

²⁷ Na olele paanoo sii ne nen, yeɛ Abɔnzam oowurale ye nu ɔ. Yeɛ Yesu sele ye kyɛ, “Bɔ ɛbaayɔ ne, yɔ ye ndɛ!”

Yohane 13:27 Iomraidhean Croise

1 Ahemvo 18:27

Odwuli eyiagyina ne, Elia hane bɛ ayinga kyɛ, “Ɛ́mɔtea nu serɛ! Ɔte nyameɛ. Bekye ɔdwene nikyee bie anwo, anaakyɛ ebiaa wahɔ bondua anaa wahɔ atee, anaakyɛ walafe bɔ odi kyɛ betingye ye ɔ.”

Edwein 109:6

Ye bɔnefoɛ maa ɔho tia ye; ma Abɔnzam ogyina ye sa famaa so.

Anyandera 1:16

ofikyɛ amirika yeɛ betu bekodi bɔne ɔ, na bɛma bɛ nwo yɛ nyera bedi awue.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Daniel 2:15

Obisale Nana safohene Arioke kyɛ, “Nzu ati yeɛ Nana ahyɛ mmeraa suronyisuronyi sɔaa ɔ?” Yeɛ Arioke hane edwirɛ ne hyirele Daniel.

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Marko 6:25

Na berɛ ne ala, abaayaa ne wale ɛhene ne berɛ ndɛndɛ so oosele ye kyɛ, “Mekuro kyɛ ɛfa Asubɔlɛniɛ Yohane ye ti bɔ ɔla prɛte nu ɔ ɛma me kekesaala ye.”

Luka 22:3

Na Abɔnzam oowurale Yudase bɔ oli Yiskariote, bɔ ɔte asuafoɛ buru ne nyɔ nemɔ bɛ nu ko ne anu.

Yohane 13:2

Na nɔsoa bɔ bɛbaadidi nen, né abɔnzam anya afa awura Yudase Yiskariote, Simɔn awa ne, ye ti anu kyɛ ɔye Yesu ma.

Yohane 13:28

Na bɛ bɔ né bɛte berɛ bedidi ne, bɛ nu biala wannwu bɔ yiti yeɛ ɔmaa ɔhane sɔ hyirele ye ɔ.

Yohane 6:70

Na Yesu buale bɛ kyɛ, “Aso nna me yeɛ maneanea nu maye ɛmɔ, mmenia buru ne nyɔ ye ɔ? Nakoso, aso ɛmɔ nu ko ɔtte abɔnzam?”

Asomafoɛ 5:3

Na Petro bisale ye kyɛ, “Anania, nzu ati yeɛ ama abɔnzam ate maa walakalaka wɔ maa ali Sunzum Krongron ne ndurum, na afa aseɛ bɔ ɛtɔnene ne sikaa ne bie afea ɔ?