Yohane 13:22 - AHYERƐLƐ KRONGRON

²² Yeɛ asuafoɛ nemɔ neaneane bɛ nyunu, na né bennwu sona horɛ bɔ ɔne ye ɔ.

Yohane 13:22 Iomraidhean Croise

Gyenesise 42:1

Yakob tele kyɛ aleɛ wɔ Misraim ne, obisale ye mma nemɔ kyɛ, “Nzu ati yeɛ ɛmɔtete berɛ ná ɛmɔnyɔ ɛhɔen ye anwo hwee ye?”

Mateo 26:21

Na bedidi nen, ɔhane kyɛ, “Nahorɛ nu, mekã mekyire ɛmɔ kyɛ, ɛmɔ nu ko kɔye me kɔma.”

Mateo 26:22

Na bɛ wora bɔle paa, na bɛhyɛle ye bo bebisale ye ngoko ngoko kyɛ, “Awurade, me ahɔ anaa?”

Marko 14:18

Na bɛtenane ase bɔ bedidi nen, Yesu sele kyɛ, “Nahorɛ nu, mekã mekyire ɛmɔ kyɛ, ɛmɔ bɔ ɛmɔ ne me yɛdidi ye, ɛmɔ anu ko kɔye me kɔma.”

Marko 14:19

Na bɛ wora bɔle, na bɛhyɛle ye bo bebisabisale ye ngoko ngoko kyɛ, “Me ahɔ anaa?”

Luka 22:21

“Nakoso ɛ́mɔnea! Sona bɔ ɔ́ye me ma ne, ɔne me te poen nwo yɛdidi.

Luka 22:23

Yeɛ bɛhyɛle ye bo bebisabisale bɛ nwo bɛpenane bɛ nu horɛ bɔ ɔbaayɔ sɔ nikyee ne ɔ.

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Yohane 13:21

Na Yesu hane sɔ yiele nen, ye wora bɔle sunzum nu, na ɔfa tole dwaa kyɛ, “Nahorɛ nu paa, mekã mekyire ɛmɔ kyɛ, ɛmɔ nu ko kɔye me kɔma.”