Yohane 13:19 - AHYERƐLƐ KRONGRON

¹⁹ Afei mekã ɛhe mekyire ɛmɔ koraka né wasi, amaa sɛ osi a, ɛmɔale bali kyɛ me ole Ye.

Yohane 13:19 Iomraidhean Croise

Yesaya 41:23

Bɔ kyẽa bie okosi ne, ɛmɔhã behyire yɛ maa yɛnwu kyɛ ɛmɔte nyameɛ mɔ; ɛ́mɔyɔ paa anaa bɔne, amaa ɔnate so yɛ kunu atete yɛ ná yasuro.

Yesaya 43:10

AWURADE nwa nyoo, “Ɛmɔte m’adanzefoɛ, ɔne me somvoɛ bɔ maneanea nu maye ye ɔ, amaa ɔnate so ɛmɔanwu me ná ɛmɔale me bali, ná ɛmɔate ye bo kyɛ me ole Ye. Banyɔ nyameɛ biala bɔ olili me nyunu wale ɔ, yeɛ ebiala ngofi me si ngɔwa.

Yesaya 48:5

Ye sɔ ne ati, yeɛ nga ngyirele wɔ fi tetetete, anzana bɛbaasi ne, mmɔle ye nwo dawure ngyirele wɔ, amaa anga kyɛ, ‘M’amoen ne yeɛ ɔyɔle ɔ, m’amoen bɔ base ne, ɔne bɔ bahuro buralɛ bayɔ ne yeɛ bɛhyɛle bɛ maa bɛwale ɔ.’

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Mateo 11:3

beebisale ye kyɛ, “Aso wɔ ole bɔ ɔ́ba ne, anaa odi kyɛ yɛnea foforɛ ate?”

Mateo 24:25

Ɛ́mɔtie! Mali moa mahã mahyire ɛmɔ dada.

Luka 21:13

Na ɛhe kɔma ɛmɔkoli me nwo adanzeɛ!

Yohane 1:15

Yohane lili ye nwo adanzeɛ, na ɔteane nu hane kyɛ, “Ɛhe ole bɔ ngane ye nwo dwirɛ kyɛ, ‘Bɔ oli me si ɔ́ba ne, odi mu tra me, ofikyɛ né ɔwɔ berɛ koraka yeɛ meba ɔ.’ ”

Yohane 14:29

Afei mahã mahyire ɛmɔ koraka ná wawa nu; amaa sɛ ɔba nu a, ɛmɔale bali.

Yohane 16:4

Na mahã ɛhemɔ mahyire ɛmɔ, amaa sɛ mmerɛ ne dwu a, ɛmɔakaye kyɛ nga ngyirele ɛmɔ. Na manga ɛhemɔ mangyire ɛmɔ ahyɛaseɛ ne, ɔnate kyɛ né me ne ɛmɔ yeɛ yɛwɔ berɛ ɔ.

Yohane 4:26

Yesu sele ye kyɛ, “Me bɔ me ne wɔ yɛdwudwo ye, me ole ye.”

Yohane 8:28

Yiti Yesu hane kyɛ, “Sɛ ɛmɔnya bɛma Sona Awa ne so a, yeɛ ɛmɔkonwu kyɛ me ole ye ɔ; na memva me bɔbɔ me tumi menyɔ nikye fee, na mmom kyɛbɔ Baba ne hyirehyirele me ne, sɔ ala yeɛ mekã ɔ.

Yohane 8:58

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, anzana Abraham baawa ne, né nwɔ berɛ.”