Yohane 13:18 - AHYERƐLƐ KRONGRON

¹⁸ “Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’

Yohane 13:18 Iomraidhean Croise

Edwein 41:9

Mmiɛngo bɔ mede ye medi paa, bɔ yeɛ me ne ye yɛto asaa yɛdidi ne, ye yeɛ waye me wama ɔ.

Yeremia 41:2

Netania awa Yismael ne mmienzua buru bɔ bɛboka ye so ne, bedwɔsole bɛfale ngrandɛ behuni Gedalia bɔ ye baba ole Ahikam, bɔ ye baba ole Safan, bɔ Babilɔn hene wafa ye wali aseɛ ne aso amrado ne.

Mateo 10:36

Na sona awuro ama kɔyɛ ye pɔfoɛ.

Mateo 26:21

Na bedidi nen, ɔhane kyɛ, “Nahorɛ nu, mekã mekyire ɛmɔ kyɛ, ɛmɔ nu ko kɔye me kɔma.”

Mateo 26:23

Na obuale kyɛ, “Bɔ ɔne me to asaa didi wɔ talie ko anu ne, ye ala yeɛ ɔkɔye me kɔma ɔ.

Marko 14:17

Na odwuli nɔsoa nen, ɔne asuafoɛ buru ne nyɔ nemɔ bɛwale.

Marko 14:18

Na bɛtenane ase bɔ bedidi nen, Yesu sele kyɛ, “Nahorɛ nu, mekã mekyire ɛmɔ kyɛ, ɛmɔ bɔ ɛmɔ ne me yɛdidi ye, ɛmɔ anu ko kɔye me kɔma.”

Marko 14:20

Na obuale bɛ kyɛ, “Mmenia buru ne nyɔ ye anu ko, bɔ ɔne me to asaa didi wɔ talie nu ye, ye ɔ.

Luka 22:21

“Nakoso ɛ́mɔnea! Sona bɔ ɔ́ye me ma ne, ɔne me te poen nwo yɛdidi.

Yohane 13:21

Na Yesu hane sɔ yiele nen, ye wora bɔle sunzum nu, na ɔfa tole dwaa kyɛ, “Nahorɛ nu paa, mekã mekyire ɛmɔ kyɛ, ɛmɔ nu ko kɔye me kɔma.”

Yohane 13:22

Yeɛ asuafoɛ nemɔ neaneane bɛ nyunu, na né bennwu sona horɛ bɔ ɔne ye ɔ.

Yohane 13:26

Yeɛ Yesu buale kyɛ “Sona bɔ ngɔfa paanoo sii ye ngɔbɔ nu ná ngɔfa ngɔma ye ne, ye ɛne.” Yiti ɔfale paanoo sii ne bɔle nu, na ɔfa mane Yudase Yiskariote, Simɔn awa ne.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

Yohane 15:25

Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

Yohane 17:12

Mmerɛ bɔ né me ne bɛ yɛwɔ wiase ne, mvale bɛ bɔ afa bɛ ama me ne nziele wɔ wɔ dumaa nu. Mabɔ bɛ nwo waen, na bɛ nu biala ammini, sana baa bɔ wamini ne; bɔ ɔnate so Ahyerɛlɛ ne awa nu ɔ.

Yohane 18:32

Na ɛhe sili mane Yesu dwirɛ bɔ ɔhã fale ewue horɛ bɔ okowu ne nwo wale nu.

Yohane 19:24

Yeɛ besisele bɛ nwo kyɛ, “Nnɛmɔma yɛsunzua nu, na mmom ɛ́mɔma yɛgua so serewa yɛnwu bɔ ɔkɔyɛ ye deɛ ɔ.” Na ɛhe mane Ahyerɛlɛ ne wale nu kyɛ, “Bɛhyɛle me ndena bɛfale, yeɛ beguale serewa wɔ m’ataadeɛ so.”

Yohane 19:36

Na ɛhemɔ sili mane Ahyerɛlɛ ne wale nu kyɛ, “Ye bowue ko po, bengobu nu.”

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Yohane 6:70

Na Yesu buale bɛ kyɛ, “Aso nna me yeɛ maneanea nu maye ɛmɔ, mmenia buru ne nyɔ ye ɔ? Nakoso, aso ɛmɔ nu ko ɔtte abɔnzam?”

Asomafoɛ 1:16

“Aliɛmaa mɔ, odi kyɛ ahyerɛlɛ bɔ Sunzum Krongron ne fale Dawide so hane ne ba nu wɔ Yudase nwo. Sɔ Yudase ne yeɛ olili bɛ bɔ bɛhyele Yesu ne nyunu ɔ.

Asomafoɛ 1:2

bɔ ɔkwaadwu kyẽa bɔ bɛfale ye bɛhɔle nyameɛso ɔ. Na anzana bɛbaafa ye bɛkɔ nyameɛso ne, ɔnate Sunzum Krongron so mane mmenia bɔ waneanea nu waye bɛ kyɛ ye asomafoɛ nemɔ ahyɛdeɛ.

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.