Yohane 13:17 - AHYERƐLƐ KRONGRON

¹⁷ Sɛ ɛmɔse hemɔ, ná ɛmɔyɔ a, ɔte saleɛ ma ɛmɔ.

Yohane 13:17 Iomraidhean Croise

Gyenesise 6:22

Na Nowa yɔle bɔ Nyameɛ hyɛle ye kyɛ ɔyɔ ne amukoraa.

Edwein 19:11

Afei koso, ɔnate so yeɛ ɛbɔ wɔ somvoɛ kɔkɔ ɔ; na sona di so a, onya akatuaa piri.

Ɛksadɔso 40:16

Mose yɔle nikyee biala pɛpɛɛpɛ, kyɛbɔ AWURADE hyɛle ye ne ala.

Anyandera 29:18

Nekaa bɔ mmenia bɛndwene kyẽa bie ngɔsoɛ nwo ne, maen ne anu yɛ basaa, nakoso sona bɔ odi mmeraa ne aso ne, onya saleɛ.

Yeremia 11:6

Na AWURADE sele me kyɛ, “Bɔ sɔ dwirɛ hemɔ amukoraa dawure wɔ Yuda nguro nemɔ anu ne Yerusalem mmorɔnoɛ nemɔ aso kyɛ, Ɛ́mɔtie sɔ apam he anu dwirɛ, ná ɛmɔli so.

Hesekiel 36:27

Ngɔfa me sunzum ngowura ɛmɔ nu, ngɔmaa ɛmɔkoli m’ahyɛdeɛ so, na ɛmɔkɔnea kyɛ ɛmɔkoli me nhyehyɛleɛ so ɔ.

Mateo 12:50

Ofikyɛ ebiala bɔ ɔkɔyɔ me Baba bɔ ɔwɔ nyameɛso n’apɛdeɛ nen, ye yeɛ ɔte nniɛma bienzua ne nniɛma brasua ne me maame ɔ.”

Luka 11:28

Nakoso osele kyɛ, “Bɛ bɔ bɛte Nyameɛ dwirɛ ne ná bedi so ne mmom yeɛ banya saleɛ ɔ!”

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Romanfoɛ 2:13

Ofikyɛ nna bɛ bɔ bɛse mmeraa ne yeɛ bɛte teneneefoɛ wɔ Nyameɛ nyunu ɔ, na mmom bɛ bɔ bedi mmeraa ne aso yeɛ bekobua bɛ be ɔ.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Yakobo 1:25

Nakoso sona bɔ ɔgyene ye nye nea fawɔnwodi mmeraa bɔ odi mu ne anu, ná ɔtena nu, ná wanyɛ tiefoɛ aworafireniɛ, na mmom odi so ɔyɔ nen, bekoyira ye wɔ bɔ ɔyɔ ɔ nu.

Yakobo 4:17

Yiti ebiala bɔ ɔse paa bɔ ɔsɛ kyɛ ɔyɔ, nakoso ɔnyɔ ne, ɔte bɔne ma ye.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.