Yohane 13:15 - AHYERƐLƐ KRONGRON

¹⁵ Ofikyɛ mama ɛmɔ ye nwo nhwɛsoɛ, na kyɛbɔ mayɔ mama ɛmɔ ne, ɛmɔ koso bɛ́yɔ sɔ ala.

Yohane 13:15 Iomraidhean Croise

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Romanfoɛ 15:5

Me mbaeɛ ole kyɛ aboterɛ ne aworakyekyerɛ Nyameɛ ne ɔma ɛmɔfa adwene ko bɛtena, kyɛbɔ ɔfata Kristo Yesu ɔ,

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

1 Petro 2:21

Na ɛhe ati yeɛ bɛfrɛle ɛmɔ ɔ, ofikyɛ ɔnate yɛ ti Kristo koso nwuni amaneɛ, na ɔfa yɛle nhwɛsoɛ mane yɛ, kyɛ ɛmɔ koso ɛ́mɔtu ye agyirɛ ne bie.

1 Petro 5:3

bɔ ɔnzɛ kyɛ ɛmɔhyɛ bɛ bɔ bewura ɛmɔ sa ne aso, na mmom kyɛ ɛ́mɔyɛ nhwɛsoɛ bɛ́ma mmoaen kure ne ɔ.

1 Yohane 2:6

Na ebiala bɔ ɔnwa ɔne Nyameɛ atira abiɛngoɛ nen, odi kyɛ ye koso ɔbɔ ye bra kyɛbɔ Kristo bɔle ye deɛ ne.