Yohane 13:14 - AHYERƐLƐ KRONGRON

¹⁴ Na me bɔ nde ɛmɔ Awurade ne Kyerɛkyerɛniɛ ne, sɛ manwunzi ɛmɔ gya bo a, ye de ɔsɛ kyɛ ɛmɔnwunzinwunzi ɛmɔ nwo ɛmɔ nwo gya bo.

Yohane 13:14 Iomraidhean Croise

Yohane 11:2

Maria he yeɛ ɔfale sakyeɛfona popale Awurade, ná ɔfale ye ti nwiaa nununi ye gya bo ne, na oliɛma Lasarɔso yeɛ né anwonyerɛ abɔ ye ne.

Asomafoɛ 20:35

Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”

Romanfoɛ 12:10

Ɛmɔhurohuro ɛmɔ nwo dwirɛ kyɛ aliɛmaa mɔ, ná ɛ́mɔli moa bɛ́fa anidie bɛ́moma bɛ nwo bɛ nwo.

Romanfoɛ 12:16

Ɛmɔ amukoraa bɛ́yɛ adwene ko; na nnɛma ɛmɔmoma ɛmɔ nwo so, na mmom ɛ́mɔbrɛ ɛmɔ nwo ase. Nnɛma ɛmɔbu ɛmɔ nwo nworɛfoɛ.

1 Korintofoɛ 12:3

Yiti mepena kyɛ ɛmɔnwu ye kyɛ, ebiala bɔ Nyameɛ Sunzum fa ye so dwudwo ne ngora nga kyɛ, “Musue ha Yesu!” Yeɛ ebiala koso ngora nga kyɛ, “Yesu te Awurade,” sana Sunzum Krongron ne te ye nu.

1 Korintofoɛ 8:13

Yiti sɛ aleɛ to aliɛmaa sundidua a, nzaade mengoli sɔ aleɛ ne le, ná mamma wamvi ase.

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

Filipifoɛ 2:11

na noa biala ɔsɛ kyɛ ɔkã ye pefee kyɛ Yesu Kristo te Awurade ná ɔfa hyɛ Baba Nyameɛ animnyam.

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

1 Petro 4:1

Na kyɛbɔ ɔnate yɛ ti yeɛ Kristo nwuni amaneɛ wɔ anwoɔnaen nu ne, ɛmɔ koso, ɔsɛ kyɛ ɛmɔnya sɔ adwene ne ná ɛmɔmia ɛmɔ nye; ofikyɛ ebiala bɔ wanwu anwoɔnaen nu amaneɛ ne, wayakyi bɔne yɔlɛ;

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.