Yohane 12:49 - AHYERƐLƐ KRONGRON

⁴⁹ Ofikyɛ nna me bɔbɔ me tumi so yeɛ mefa medwudwo ɔ; na mmom Baba ne bɔ ɔsomane me ne, ye yeɛ wafa bɔ nga ɔne kyɛbɔ nzi nga ye ɔ nwo ahyɛdeɛ wama me ɔ.

Yohane 12:49 Iomraidhean Croise

Yohane 14:10

Aso enne nni kyɛ nwɔ Baba ne nu, ná Baba ne koso ɔwɔ me nu ɔ? Edwirɛ mɔ bɔ mekã mekyire ɛmɔ ne, nna me bɔbɔ me tumi yeɛ mefa mekã ɔ; na mmom Baba ne bɔ ɔte me nu ne, ye yeɛ ɔyɔ ye nnwumaa ne ɔ.

Yohane 14:24

Na ebiala bɔ onguro me dwirɛ nen, onni me dwirɛ so; na edwirɛ bɔ ɛmɔte ye, ɔtte me deɛ, na mmom ɔte Baba ne bɔ ɔsomane me ne deɛ.

Yohane 14:31

Nakoso kyɛbɔ Baba ne fale ahyɛdeɛ mane me ne, sɔ ala yeɛ meyɔ ɔ, amaa ɔnate so ewiase anwu kyɛ mekuro Baba ne dwirɛ. Ɛ́mɔdwɔso, ɛ́mɔma yɛfi wa yɛhɔ!”

Yohane 15:15

Memvrɛ ɛmɔ ngoaa ko, ofikyɛ akoaa nze bɔ ye mene ɔyɔ ɔ; na mmom mafrɛ ɛmɔ me damvo mɔ, ɔnate kyɛ edwirɛ biala bɔ mate mafi me Baba berɛ ne, mala ye ali mahyire ɛmɔ.

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yohane 3:11

Nahorɛ nu paa, mekã mekyire wɔ kyɛ: Bɔ yɛse yeɛ yɛkã ɔ, na bɔ yanwu ye yeɛ yɛdi ye nwo adanzeɛ ɔ; nakoso ɛmɔnne yɛ adanzeɛ ne benni.

Yohane 3:32

Odi bɔ wanwu ye ɔ ɔne bɔ wate ɔ nwo adanzeɛ, nakoso ebiala nne ye adanzeɛ ne ndo nu.

Yohane 5:19

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, Baa ne bɔbɔ ngora nyɔ hwee, sana bɔ onwu Baba ne kyɛ ɔyɔ ɔ; ofikyɛ nikyee biala bɔ ɔyɔ ne, ebie ala yeɛ Baa ne koso ɔyɔ ɔ.

Yohane 5:30

“Me de, mengora memva me tumi menyɔ hwee; kyɛbɔ mete ne, yeɛ mebua ndɛen ɔ, na me ndɛenbualɛ te turoloo. Ɔnate kyɛ nna me bɔbɔ m’apɛdeɛ yeɛ mepena ɔ, na mmom bɔ ɔsomane me n’apɛdeɛ.

Yohane 6:68

Na Simɔn Petro buale ye kyɛ, “Awurade, nwa berɛ yeɛ yɛkɔhɔ ɔ? Wɔ yeɛ ele daa ngoa dwirɛ ɔ;

Yohane 7:16

Na Yesu buale bɛ kyɛ, “Me ngyerɛkyerɛ ne ɔtte me deɛ, na mmom ɔte bɔ ɔsomane me ne deɛ.

Yohane 8:26

Na nne ɛmɔ nwo dwirɛ pee mekã, ɔne ɛmɔ nwo ndɛen mebua; na bɔ ɔsomane me ne te nahorɛniɛ. Na bɔ nde mvili ye berɛ ne ala yeɛ mekã mekyire wiase ɔ.”

Yohane 8:28

Yiti Yesu hane kyɛ, “Sɛ ɛmɔnya bɛma Sona Awa ne so a, yeɛ ɛmɔkonwu kyɛ me ole ye ɔ; na memva me bɔbɔ me tumi menyɔ nikye fee, na mmom kyɛbɔ Baba ne hyirehyirele me ne, sɔ ala yeɛ mekã ɔ.

Yohane 8:42

Yeɛ Yesu buale bɛ kyɛ, “Sɛ ɛmɔ Baba ole Nyameɛ a, ahaa ɛmɔkohuro me dwirɛ, ofikyɛ Nyameɛ nu yeɛ mvi mmale ɔ. Mamva me bɔbɔ me tumi so yeɛ mmale ɔ, na ye yeɛ ɔsomane me ɔ.

Deuteronomi 18:18

Ngɔye ngɔmhyɛlɛniɛ bɔ ɔte kyɛ wɔ, bɔ ofi b’eliɛma nemɔ anu ngɔma bɛ. Ngɔfa me dwirɛ ngotua ngɔmhyɛlɛniɛ ne noa, na ɔkɔha bɔ ngɔhyɛ ye kyɛ ɔha ne amukoraati kohyire bɛ.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,